VOV4.Sêdang - Soọng Cô cho tơdrá hơdruê ki ro tơniâ dêi hdroâng kuăn ngo Sán Dìu a Việt Nam. Kố cho tơdrá hơdruê ki vâ mơhno tối hiâm mơno, nhoa#m mơnê [ă tơdroăng pói vâ dêi droâng mơngế Sán Dìu tung tơdroăng rêh ối rêm hâi châ mơ’no [ă rơkong hơdruê, pơto pơtih, cho drăng tíu ki vâ rak vế túa tơléa le\m tro dêi hdroâng mơngế.

Tiô nâl Sán Dìu, Soọng cho hơdruê, Cô cho rơngêi. Nâl ki vâ hơdruê Soọng Cô ôh tá xê chuât mơdêi xơtó, mê cho chôa ‘lâng, rơmuăn mơhno tối ki le\m tro, mơhno tối hiâm mơno dêi ngế ki hơdruê, pro hên ngế git rơhêng vâ tơmâng. Mơngế Sán Dìu xuân ối chôu vế dêi tơdroăng ki kơnía git roh vâi krâ nah, cho tơdrá hơdruê dêi hdroâng kuăn ngo tơná. Tiô tơdroăng hơ’muăn tối, rôh vâi krâ nah, drêng tơnêi [ă kong plêng ối tơdjêp achê dêi pó, ai môi to pơlê ki kơdrâm mơngế, kro mơdro\ng, ai mơ’’mó hlo hleăng le\m troh a têa kroăng ki le\m ro. Kơdrâ ai môi hâi ki mê, xeăng hêng hôu, pro têa đik kân lân lu pro hlâ tâi tâng mâu tơmeăm khoăng. Tung pơlê ai prế nâ o, prế re\ng mot tung plôi khăng, đông a kơpêng têa, mê prế khoh ối châ rêh. Drêng têa hiăng siâ, xua kơpong ki mê pá ai kơbố, mê prế khoh chiâng xo dêi pó mơjiâng chiâng hên kuăn ‘ne\ng cháu chái, pro ăm hdroâng kuăn ngo Sán Dìu chiâng kơdrâm nếo. Maluâ pơlê mê kơdrâm mơngế, la pơrá cho môi mơheăm chhá, môi jâ pôa, vâi ôh tá chiâng xo dêi pó, mê athế lăm rêh ối a pơlê ki ê vâ tí tăng tơhmâ, mơjiâng on veăng. Vâ mâu pú hmâ rơhêng vâ xo vâi droh rơtăm dêi hdroâng kuăn ngo kố, mê vâi khoh hmâ hơdruê vâ tối dêi hiâm mơno tơná. Tơdrá Sộng Cô khoh chiâng ai sap ing mê nah troh nôkố.

Xuân môi tiah mâu tơdrá dêi hdroâng kuăn ngo ki ê, Soọng Cô dêi hdroâng mơngế Sán Dìu dế vâ rế hía lôi, xua ai lối hên tơdroăng hơdruê xuâng chal nếo nôkố. Maluâ ti mê, a mâu kơpong Hà Phong (Hạ Long), Cẩm Phả [ă Vân Đồn dêi kong pơlê Quảng Ninh xuân u ối rak vế [ă pơtối rak tơdrá Soọng Cô tung tơdroăng rêh ối, pêi cheăng kâ rêm hâi, môi tiah tơmeăm kâ dêi hiâm mơno, ôh ti păng lôi dêi hdroâng kuăn ngo Sán Dìu. Pôa Trương Bình Minh, Kăn pơkuâ ngăn Kâu lak [o# hơdruê Soọng Cô, bêng Hà Phong tối ăm ‘nâi: To lâi hơnăm hdrối nah, á pro pơkuâ kơpong kơpho# kố, mê xuân cho kơpong kơpho# mơhno mơjiâng túa le\m tro mê hdroâng mơngế Sán Dìu tối phá xuân rơhêng vâ mơjiâng khu hơdruê vâ kôh mơnê dêi hdroâng kuăn ngo Sán Dìu, tơdrêng amê vâ kum ăm kuăn cháu la ngiâ ah pơtối châ rak vế dêi túa tơlá, mơhno mơjiâng túa le\m tro dêi hdroâng kuăn ngo. Xua ing mê, ngin khoh mơjiâng Kâu lak [o# hơdruê Soọng Cô ki ro tơniâ dêi hdroâng kuăn ngo Sán Dìu châ Đảng [ă Tơnêi têa mơnhên tối.

Xuân môi tiah tơdrá sli, lượn dêi hdroâng kuăn ngo Tày, Nùng [ă sình dêi mơngế Cao Lan, Soọng Cô dêi hdroâng mơngế Sán Dìu cho môi túa tơdrá tiô roh vâi krâ nah ki hơniâp ro, sôk suâ, ai tơdroăng ki hmâ êng tiâ pơla vâi droh [ă vâi rơtăm, châ hnê tối ing rơxông kố troh rơxông ki ê. Mơngế Sán Dìu hâk git hơdruê Sọng Cô, xua tơdrá hơdruê kố ga lo ung tơdroăng rêh ối ki hmâ ai rêm hâi, tơtro [ă tơdroăng rêh ối dêi kuăn pơlê, mơhno tối hiâm mơno, tuăn tơmiât tơche\ng, pói vâ dêi kuăn pơlê pêi chiâk deăng.

Mâu [ai hơdruê Soọng Cô rế hía rế pá ai châ hlo hên ngế vâ hơdruê, xua tíu ki vâ hơdruê, chôu phut hơdruê, tơdroăng cheăng kâ rêh ối ôh pá toh vâ hơdruê. Vâi xuân chiâng hơdruê plâ măng, hên măng, hơdruê tung hngêi, hơdruê drêng lăm pêi chiâk lơ tung mâu hâi mơd^ng. Xua ti mê, hơdruê Soọng Cô hiăng chiâng tơmeăm ki pro pơro ăm hiâm mơno, ôh tá păng lôi tung tơdroăng rêh kâ ối dêi hdroâng kuăn ngo Sán Dìu.

Pôa Tạ Trung Xuân, ngế ối tung Kâu lak [o# hơdruê Soọng Cô, bêng Hà Phong tối [ă tơdroăng hâk tơngăm tiah kố: Ki kơnía git dêi hơdruê Soọng Cô cho vâ tối tơdroăng ki hâk tơngăm dêi hdroâng kuăn ngo, pro ăm pin hlo môi tiah môi xiâm reăng ki le\m tung kơpâu reăng dêi 54 hdroâng kuăn ngo nho\ng o. Xua ti mê, athế ai hnoăng cheăng ki veăng rak vế, thăm mơjiâng vâ ga rế ro tơniâ tâ nếo tro [ă tơdroăng pơkâ dêi Khu xiâm pơkuâ ngăn tơdroăng cheăng kal kí cho mơjiâng tơdroăng mơhno mơjiâng túa le\m tro Việt Nam, rak vế ki le\m tro dêi hdroâng kuăn ngo tơná.

Dế nốkố, tơdroăng rak vế tơdrá ki ro tơniâ dêi Soọng Cô ki xiâm cho ing tơdroăng ki xah ôm hêi a mâu Kâu lak [o# tung kơpong kố. Maluâ ti mê, ai mâu [ai hơdruê châ hnê tối la nôkố ôh tá châ rak vế, tá hâi ai tơdroăng chêh xo, thâu hrik vâ pro mâu tơdrá hơdruê ki kân. Luâ tâ mê nếo, mâu ngế ki cheăng tung Kâu lak [o# hơdruê Soọng Cô pơrá hiăng mot tung hơnăm ki hiăng krâ, mâu chal nếo nôkố ôh pá ối rơbot hên nâl tơpui dêi hdroâng kuăn ngo tơná, mê tơdroăng hriâm hơdruê xuân cho ki pá puât ó khât vâ khoh kâi châ rak vế túa tơdrá ki kố. Xua ti mê, tơdrá hơdruê mê rế hía rế vâ hía lôi.

Nâ Lam Thị Hải, Kăn pho\ pơkuâ ngăn Kâu lak [o# hơdruê Soọng Cô, pơlê kong kơdrâm Hạ Long tối tiah kố: Á hâk git ‘nâng ‘na khôi túa, vêa vong, tơdroăng hơdroê xoâng dêi kuăn ngo, xua mê, á pói rơhêng vâ vâi meh dah ai xêh chôu athế hnê tối ăm kuăn cháu vâ la ngiâ ah vâi pơtối rak vế khôi túa, vêa vong dêi hdroâng kuăn ngo ‘na tơdrá hơdruê Soọng Cô, kum ăm tơdrá hơdruê kố pôi tá tro hía.

Dế nôkố, kơxo# mơngế ki ‘nâi hơdruê Soọng Cô ôh pá ai hên. Mâu kâu lak [o# ôh tá ai tu\m kơxo# mơngế ki veăng hơdruê, mê ôh tá châ mơnhên tối, bu ai to Kâu lak [o# hơdruê Soọng Cô dêi bêng Hà Phong (Hạ Long) châ mơnhên tối cho Kâu lak [o# ‘na tơdroăng hơdruê xuâng dêi Khu pơkuâ ngăn Ho#i Văn nge# yân yan kong pơlê Quảng Ninh châ mơnhên tối a hâi lơ 18 khế 11. Vâ khoh châ rak vế [ă pơtối mơnhông mơdêk ki kơnía git dêi tơdrá hơdruê Soọng Cô kal athế mơhnhôk mơjiâng hên Kâu lak [o# a mâu cheăm bêng, tơdrêng amê, tí tăng chêh xo, thâu hrik, hriâm pơtâp, hnối mơđah hơdruê Soọng Cô a mâu roh mơđah hơdruê xoâng. Ăm tơdrá hơdruê kố châ pơtối rak vế, mơđah tơbleăng ăm kuăn pơlê châ ngăn, malối a kơpong pơlê cheăm hơngế hơngo, kơtiê xơpá. Ai ti mê ‘nôi, Soọng Cô nếo châ pơtối rak vế mơhno mơjiâng túa le\m tro ki phá xêh ki hiăng ai tung tơdroăng rêh ối cheăng kâ dêi kuăn ngo Sán Dìu ki ối tung 54 hdroâng kuăn ngo Việt Nam.

Nhat Lisa tơplôu [ă tơbleăng