VOV4.Sêdang -A hneăng hôp mơgêi tơdroăng cheăng pêi pêt kơphế hơnăm 2014-2015, tơpui ‘na troăng hơhlâ cheăng pêi pêt kơphế hơnăm 2015-2016 po a kơxêi hnah, lơ 10 khế 12, a Hà Nội, pôa Nguyễn Nam Hải, kăn pho\ hnê ngăn xua Khu ngăn ‘na kơphế - Ka kao Việt Nam ăm ‘nâi: Hơnăm 2014-2015 cho hơnăm ki ai hên tơdroăng ôh tá tơniăn ‘na yă kơphế tâk chu puk pâk. Tiô kăn teăng mâ Khu ngăn kơphế - ka kao Việt Nam tối, deăng pêt kơphế tung lâp tơnêi têa ai dâng 600 rơpâu ha, [ă yă kơphế tiah nôkố kuăn pơlê a mâu kong pơlê ai tơnêi pêt ton hơnăm, môi tiah: kơpong Tây Nguyên xuân hiăng rế hơ’lêh dêi deăng kơphế pêt tiu, xua hlo tiu ai yă kơnâ. Vâ mơdêk pêt kơphế krá ton xo\n [ă mơnhên tơdroăng ki pá ‘na yă la ngiâ, hên ngế tối, thế mơdêk ki dâi le\m kơphế, tơku\m pêi pêt, tung mê, ai tơmâng khât troh tơdroăng mơdêk pêt kơphế uâ mơdiê klêi krí tung pơla Việt Nam dế tơru\m cheăng trâu rơdâ [ă lâp plâi tơnêi. Tiô tối tơbleăng dêi khu ngăn kơphế ka kao Việt Nam tối, hơnăm 2015-2016, kơxo# kơphế tê ăm kong têa ê iâ tâ hơnăm hdrối nah, châ 1 rơtuh 200 rơpâu ta#n xua deăng pêt kơphế ôh tá tâk, thăm nếo rế kơdroh tâ.