VOV4.Xơ Đăng - Hmâ hlối tơniăn, ƀĕng ƀeăn, séa ngăn tơplâ mơdât pơreăng mơdêk tơ’mot tăng khu ‘no liăn cheăng, pơtối mơnhông cheăng kâ, tơmâng pêi tro mâu luât pơkâ tơniăn tung rêh ối cho mâu tơdroăng cheăng pêi ki kal châ kong pơlê Dak Lak mơ-eăm pêi tung hơnăm 2022. Hơnăm 2021, mơhé tro tơdjâk dêi pơreăng COVID-19, la tơdroăng cheăng kâ-rêh ối dêi kong pơlê  Dak Lak pơtối hlo tơ-ƀrê: ki mơdêk cheăng kâ lối 5,1%, châ xo tơ'mot liăn tâng riân 50 rơtuh liăn môi ngế; tâi tâng kơxô̆ tơmeăm tê ăm kong têa ê châ xo lối 1 rơpâu 100 rơtuh dollars...

Hơnăm 2022, Dak Lak pơtối pêi pro hmâ tơniăn, rơkê ƀeăn, plâ mơdât pơreăng COVID-19, hlối mơdêk tơ’mot ‘no liăn cheăng mơnhông kơvâ pêi chiâk deăng, mơdêk rak ngăn tơnêi... Ƀă mâu tơdroăng tơkêa pêi, kong pơlê tơkŭm tah ki xơpá, tơvâ tơvân, malối cho gu tơbăng ‘mâi xĕn hngêi trăng chêl thiăn liăn ăm tơdroăng ‘mâi xĕn xua kố cho môi tung mâu tơdroăng ki ối tơvâ tơvân kân hdrối kố nah.

Gương tơplôu ƀă tơbleăng