VOV4.Xơ Đăng - A hneăng hôp mơ’no tơdrêng tung um tiô troăng măng Internet lâp tơnêi têa mơgêi Kơ koan xiâm hbrâ ví kong prâi pro ôh tá tơniăn - Ƀơrô hnê mơhno má môi Khu hnê mơhno Tơnêi têa ‘na tơdroăng hbrâ ví kong prâi pro ôh tá tơniăn hơnăm 2021 ƀă pêi pro hnoăng cheăng hơnăm 2022 tơkŭm po kơxê lơ 30/12 a Hà Nội, mâu kăn teăng mâ môi tuăn mơnhên, thế kơtăng tâ ƀă châ tơƀrê tâ drêng ai tơdroăng ôh tá tơniăn dêi kong prâi pro. Hơnăm 2021, kong prâi pro ôh tá tơniăn tung lâp plâi tơnêi ôh tá ‘nâi tối hdrối, râ ó pro tro lŭp hên ‘na mơngế ƀă tơmeăm khoăng.

A tơnêi têa pin hiăng mơjiâng 841 roh kong prâi pro ôh tá tơniăn, ƀă 18 tơdroăng kong prâi pro ôh tá tơniăn tung 22 tơdroăng kong prâi pro ôh tá tơniăn. Kong prâi pro ôh tá tơniăn hiăng pro 108 ngế hlâ, hía; tiô xêo tro lŭp lối 5 rơpâu 200 rơtal liăn. Rơtế hvái ngăn mâu tơdroăng ki tá hâi tơtro, ối ai tơdroăng pá puât xuân môi tiah pơkâ troăng hbrâ ví kong prâi pro tung hơnăm 2022 châ tơƀrê ƀă tơdroăng nôkố, mâu kăn teăng mâ tối, pơreăng COVID-19 pơtối xông tâ tú ó, mâu tơdroăng kong prâi pro ôh tá tơniăn kân môi tiah: khía mơhot ki têi, têa kân lân lu, têa rơlêa, tơnêi tơhnah tơhnâp, kong tô khăng khoăng, tơnêi tơdro ƀă hía hé, tơkâ tơdroăng têi tâ hdrối mê hiá nah tung hơnăm 2021, pơtối cho tơdroăng ki tơ’lêi tơdjâk troh tơnêi têa pin, hnoăng cheăng hbrâ ví kong prâi pro ôh tá tơniăn pơkâ thế rế hía rế hngăm xua mê kal mơdêk châ tơƀrê khu ki hbrâ ví kong prâi pro ôh tá tơniăn a pơlê. Pơtối mê, thăm hnê mơjiâng mơngế pêi cheăng ăm kăn ƀô̆ hbrâ ví kong prâi pro ôh tá tơniăn, ki rơhêng vâ tối cho khu ki djâ troăng ahdrối.

A Sa Ly tơplôu ƀă tơbleăng