VOV4.Sêdang - Hâi lơ 30 khế 8, a Hà Nội, Tíu xiâm Đoân droh rơtăm Ko\ng san Hồ Chí Minh tơku\m po hneăng hôp tối tơbleăng ‘na pri mơhá Khoa hok kơmăi kơmok droh rơtăm Quả cầu vàng hơnăm 2016.

Hôp tơbleăng pri mơhá Quả cầu vàng

          Luâ 12 hơnăm tối tơbleăng pêi pro, pri mơhá hiăng tơ’mot hên rơpâu ngế hơnăm ối nếo tung lâp mâu kong pơlê, pơlê kong kơdrâm, mâu kơvâ cheăng tung lâp tơnêi têa [ă mâu droh rơtăm Việt Nam dế hriâm tâp, pêi cheăng a kong têa ê veăng pêi pro. Troh nôkố, hiăng ai 125 ngế hơnăm ối nếo rơkê kơhnâ châ mơhá pri [ă mâu tơmeăm khoăng pêi, tơdroăng tơkêa bro a mâu tơdroăng cheăng, ai hnoăng veăng ‘no tung mơnhông mơdêk khoa hok kơmăi kơmok dêi tơnêi têa. Pri mơhá khoa hok kơmăi kơmok droh rơtăm Quả cầu vàng hơnăm 2016 kô xéa ngăn diâp ăm 10 ngế ki rơkê ‘na khoa hok kơmăi kơmok ki rơkê tung hơnăm dêi 5 tơdroăng, kơmăi kơmok ‘na hyôh rơ’jiu, internet, kơmăi kơmok xúa vâ khăm pơlât, xúa tung pro pơkeăng, kơmăi kơmok sinh hok, kơmăi kơmok xúa pro mơgrúa hyôh kong prâi [ă kơmăi kơmok tơmeăm ki nếo.

Gương tơplôu [ă tơbleăng