VOV4.Sêdang - Drêng troh leh tơbâ 76 hơnăm hâi Kăch măng Khế tơheăm lơ 19/8 ƀă hâi mơjiâng tơnêi têa lơ 2/9 (1945-2021), kơxo lơ 31/8, Viện Hồ Chí Minh ƀă mâu kăn xiâm dêi Đảng  tơrŭm kơpong tíu tơbâ Hồ Chí Minh, Kăn xiâm hnê ngăn tơnêi têa a Tíu pêi cheăng xiâm dêi Kăn xiâm hnê ngăn tơnêi têa tơkŭm po hôp tơpui tơno tiô troăng mơ’no tơdrêng  ƀă pơxá: “Hồ Chí Minh, Kăn xiâm hnê ngăn tơnêi têa ƀă tơdroăng púi vâ  tơniăn -hơniâp lĕm’’ . Plâ rơxông ối rêh, Pôa Hồ Chí Minh, Kăn xiâm hnê ngăn tơnêi têa hiăng  mơ-eăm khât, mơ-eăm ta troh hlâ xua mâu tơdroăng pơkâ, tơdroăng ki kơnía kân dêi hdroâng mơngế ƀă kuăn  mơngế, tung mê malối cho púi vâ rak tơniăn- hơniâp lĕm.

A rôh hôp, phŏ yăo sư- Tiê̆n sih Lê Văn Lợi, Kăn phŏ pơkuâ Học viện Chính Trị Kuô̆k ya Hồ Chí Minh tối nhên, nôkố, tâi tâng Đảng tâi tâng kuăn pơlê dế mơ-eăm tơbleăng pêi pro tơdroăng Pơkâ  Hneăng hôp kân roh má 13 dêi Đảng, mơdêk mơhnhôk hriâm, pêi pro tiô troăng tơdjâ hiâm môn ki lĕm tro Hồ Chí Minh , pêi tiô tơdroăng pơkâ kơtăng vâ kâi mơdât, troh tah pơreăng kân COVID-19, rak vế ivá kuăn pơlê.

Gương tơplôu ƀă tơbleăng