VOV4.Sêdang -  Kơxo hâi lơ 17 khế 12, a Hà Nội tơku\m po hôp tơpui tơno lâp plâi tơnêi dó inâi ‘’Thăm tơru\m pêi chiâk deăng tung hneăng nếo, mot tơru\m cheăng [a\ lâp plâi tơnêi’’. Hneăng hôp vâ mơnhên mâu roh tơ’lêi [a\ pơloăng mơnúa tung tơdroăng thăm tê kế tơmeăm khoăng pêi lo ing chiâk deăng dêi Việt Nam a ke\n kong têa ê, ki rơhêng vâ tối drêng Việt Nam mot tơru\m cheăng, tung tơdroăng tơkêa lâp Thái Bình Dương dó inâi TPP. Tung [ai xông tơpui a roh pơxiâm po, pôa Bùi Thanh Sơn, Kăn xiâm pho\ tơpui kâ mơnhên, kơvâ pơkuâ ngăn ‘na pêi chiâk deăng hiăng veăng kum tung mơnhông mơdêk cheăng kâ rêh ối pơlê pơla dêi Việt Nam klêi kơ’nâi lối 30 hơnăm hơ’lêh nếo [a\ mot tơru\m cheăng. Tung pơla mot tơru\m [a\ hên hên kong têa, pro tơ’nôm hên roh tơ’lêi [a\ pơloăng mơnúa tung tơdroăng cheăng kâ Việt Nam, tung mê ai kơvâ pêi chiâk deăng. Kơjo kum ‘na xo hnoăng mơhá drêng tơru\m cheăng tung FTA, ki Việt Nam dế [a\ kô veăng, hên kế tơmeăm khoăng pêi lo ing chiâk deăng dêi Việt Nam kô ai roh châ tê mâu kong têa ki roê hên kế tơmeăm khoăng; laga rơtế [a\ mê, kế tơmeăm khoăng pêi lo ing chiâk deăng ki má môi dêi Việt Nam kô tro hdjip ó, tung tơbriât tê kế tơmeăm khoăng a kơchơ tê mơdró tung tơnêi têa [a\ kong têa ê. Ing mâu tơdroăng pá puât mê ‘na tơdroăng tê kế tơmeăm khoăng pêi lo ing chiâk deăng dêi Việt Nam nôkố, Khu xiâm tơpui kâ [a\ Khu xiâm pơkuâ ngăn ‘na pêi chiâk deăng [a\ mơnhông mơdêk thôn pơlê đi đo rơtế tơru\m krá tơniăn vâ tơleăng mâu tơdroăng pá puât tung tê kế tơmeăm khoăng pêi lo ing chiâk deăng ke\n kong têa ê.

A Sa Ly tơplôu [ă tơbleăng