VOV4.Sêdang - Chin phuh Hunggary hiăng pơkâ diâp ăm Chin phuh Việt Nam 100 rơpâu klŏng pơkeăng vaccine Astra Zeneca ƀă 100 rơpâu khu kơmăi khăm ngăn rĕng vâ hbrâ mơdât pơreăng COVID 19. Tung pơla pơreăng pơtối pơ’lêh chiâng tơ-ê ƀă hlo ai hên pơreăng ki pro chiâng tơ-ê ki nếo pro rơ-iô ƀă tâ tú rĕng, Chin phuh Việt Nam hiăng mơnhên tơdroăng châ rôe hên vaccine ƀă rĕng pâk rơdâ cho troăng pêi ki kal ƀă thâ nôkố.

Tơdroăng ki Chin phuh Hunggary pơkâ tŏng kum vaccine ƀă khu kơmăi khăm ngăn rĕng ăm Việt Nam cho tơdroăng ki lĕm kơnía mơnhên ăm tơdroăng tơrŭm ‘’Khu tơrŭm tŭm têk’’ lĕm tro pơla Việt Nam ƀă Hunggary tung lối 70 hơnăm hiăng hluâ, tơdrêng amê, mơhno tơdroăng ki kum dêi pó drêng pá puât, khŏm mơ-eăm rơtế tơdjuôm ivá troh ta pơreăng kân COVID 19 tung lâp plâi tơnêi.        

A Sa Ly tơplôu [ă tơbleăng