VOV4.Sêdang - Pơtối tung to lâi hơnăm kố, yă chhá kơxu chu rơpâ, pro mâu khu tê mơdró, khu ki pêt loăng kơxu trâm hên pá puât. Tơdroăng rêh ối dêi kuăn pơlê, ko\ng nhân kúa chhá kơxu xuân tơdjâk hên. Ma luâ tiah mê, a mâu tíu cheăng kâ dêi {inh đoân 15, ối tung Khu xiâm pơkuâ lêng, kuăn pơlê, ko\ng nhân xuân mơ-eăm rak ngăn dêi loăng kơxu, tơchuâm ivá [a\ mâu khu tê mơdró cho khu lêng, rơtế dêi pó tơkâ hluâ pá puât.Công Bắc,Ngế chêh hlá tơbeăng cheăng tung Rơ’jíu Việt Nam a kơpong Tây Nguyên ai [ai chêh tối ‘na tơdroăng mê a Ko\ng ti pêi cheăng tiô rơnó môi khu 74, tơring tíu tơkăng kong Đức Cơ, kong pơlê Gia Lai:

            Vâi krâ nho\ng o hdroâng kuăn ngo Jarai a pơlê Ghè, cheăm tíu tơkăng kong Ia Dơk, tơring Đức Cơ, kong pơlê Gialai veăng pro ko\ng nhân kúa chhá kơxu dêi Ko\ng ti 74, ối tung {inh đoân 15, troh nôkố hiăng châ 20 hơnăm. Pôa Kpuih Dyom, krâ pơlê, tối ăm ‘nâi, ing tơnêi ôh tá ai kơbố rak ngăn, tơnêi kong ki ôh tá le\m xếo, ing hnê mơhno dêi mô đo#i, vâi krâ nho\ng o hiăng ‘nâi pêt kơxu ngiât le\m, kân rơdâ. Xuân kơnôm loăng kơxu, kơnôm pêi lo liăn tơniăn, tơdroăng rêh ối dêi vâi krâ nho\ng o pơlê Ghè hiăng hơ’lêh. Klêi mê, ing kơxo# liăn pêi lo ing pro ko\ng nhân kúa chhá kơxu, vâi krâ nho\ng o ai liăn mơ’no pêt tơ’nôm kơphế, tiêu. Troh nôkố, hên rơpo\ng tung pơlê hiăng mơjiâng hngêi kân le\m, tơdroăng rêh ối châ mơnhông tơtêk. Pôa Kpuih Dyom, krâ pơlê tối: Sap hâi vâi krâ nho\ng o veăng pro ko\ng nhân kúa chhá kơxu rơtế {inh đoân 15, mê vâi krâ nho\ng o ôh tá tô tuăn lơ kơklêa, kơtiê xếo. Mô đo#i kum vâi krâ nho\ng o pêi cheăng kâ, pák^ng pro ko\ng nhân kúa chhá kơxu, mê vâi krâ nho\ng o pêt kơphế, pêt tiêu nếo. Á teăng mâ vâi krâ nho\ng o mơnê mô đo#i {inh đoân 15 hên.

            Hluăn ing kơklêa, kơdroh kơtiê, tơdroăng rêh ối hơ’lêh kơnôm ing loăng kơxu, kơnôm mô đo#i xua mê vâi krâ nho\ng o pơlê Ghè xuân loi tơngah, ru\m môi tuăn [a\ ko\ng ti, [a\ {inh đoân 15 mơhé pơtối to lâi hơnăm kố yă chhá kơxu chu rơpâ, pêi lo liăn kơdroh. Nâ Rahlan H’Blơn, ối a pơlê Ghè, ko\ng nhân kúa chhá kơxu Ko\ng ti 47tối ăm ‘nâi, troh nâ cho rơxông má péa tung rơpo\ng pro ko\ng nhân kúa chhá kơxu [a\ {inh đoân 15 [a\ nâ pro ko\ng nhân troh nôkố hiăng châ 6 hơnăm. Dâng 3 – 4 hơnăm achê kố, liăn khế nâ kúa chhá kơxu mơhé chu kơdroh, laga xuân ối châ 4 troh 5 rơtuh liăn môi khế. Tung pơla yă chhá kơxu chu rơpâ, thăm nếo, nâ thăm thế mơ-eăm rơtế [a\ ko\ng ti, tíu pêi cheăng vâ tơkâ hluâ pá puât. Nâ Rahlan H’Blơn tối: Hdrối nah tá hâi pro ko\ng nhân kúa chhá kơxu, mê tơdroăng rêh ối  rơpo\ng ngin trâm hên pá puât. Sap ing veăng kúa chhá kơxu, mê tơdroăng rêh ối dêi rơpo\ng ngin hiăng chía tơniăn tâ. Tung pơla kố, ma luâ pá puât, mê ngin thăm thế mơ-eăm, pro tiah lâi vâ châ [lêi trâng, tơkâ hluâ drêng pá puât kố, tơchuâm ivá, môi hiâm tuăn [a\ tíu cheăng, ko\ng ti vâ mơnhông mơdêk krá tơniăn, ó tâ.

            Pôa Rơmah Thin, kăn pơkuâ hnê ngăn Đảng cheăm Ia Dơk, tơring Đức Cơ tối ăm ‘nâi, cheăm ai péa pơlê veăng pro ko\ng nhân kúa chhá kơxu [a\ {inh đoân 15 cho pơlê Ghè [a\ pơlê Đo [a\ dâng 300 ngế ko\ng nhân. Mơhé chhá kơxu chu rơpâ laga pêi lo liăn, tơdroăng rêh ối dêi kuăn pơlê xuân tơniăn. {a\ tơdroăng châ tơ-[rê tung mơnhông cheăng kâ [a\ tơniăn tơdroăng rêh ối pơlê pơla, gâk kring cheăng lêng dêi {inh đoân 15, pôa Rơmah Thin tối, {inh đoân thế po rơdâ tơ’nôm [a\ng kơxu lơ loăng plâi ki ê vâ mơhnhôk kuăn pơlê a tíu tơkăng kong pro ko\ng nhân kúa chhá kơxu: Yă chhá kơxu chu rơpâ, mê {inh đoân, Ko\ng ti xuân pro tơ’lêi hlâu ăm vâi krâ nho\ng o châ mung liăn ing hngêi arak liăn vâ vâi krâ nho\ng o ai liăn roê kế kâ rêm hâi, vâ vâi krâ ai cheăng pêi. Á púi tơngah tiah kố: a kố ai 13 thôn, pơ’leăng mâ lối 2 rơpâu rơpo\ng, lối 8 rơpâu pơ’leăng mâ mơngế. Á pói vâ ko\ng ti pơtối pêi mâu tơdroăng tơkêa bro pêt nếo. Ko\ng ti [a\ {inh đoân 15 pro tơ’lêi hlâu tơ’nôm vâ vâi krâ nho\ng o ai cheăng pêi, vâ tơniăn tơdroăng rêh ối.

            Ko\ng ti pêi cheăng tiô rơnó môi khu 74 nôkố ai vâ chê tơdế cho ko\ng nhân mơngế hdroâng kuăn ngo tung tâi tâng dâng 3 rơpâu 400 ngế kăn [o#. Mơnhên mâu tơdroăng pơloăng mơnúa tung pơla nôkố, ko\ng ti dế mơ-eăm po rơdâ hên túa vâ tơkâ hluâ pá puât. Thăm rak vế khôi túa tíu pêi cheăng rơkê. Trung tă Nguyễn Mạnh Cường, kăn pơkuâ hnê ngăn cheăng Đảng Ko\ng ti pêi cheăng tiô rơnó môi khu 74, tối: Drêng pá puât tiah kố, mê Đảng ủy, khu kăn pơkuâ ko\ng ti hiăng pơkâ mơ’no hên troăng hơlâ, túa pơkuâ ko\ng ti ối krá tơniăn [a\ mơnhông tơtêk. Môi tiah pêi tơtro tơdroăng pơtâng tối, mơhnhôk kăn [o#, ko\ng nhân, mơngế pêi cheăng [a\ túa [a\ cheăng pêi ki nhên, môi tiah pêi tơtro tơdroăng mơhnhôk kuăn pơlê, pro nho\ng o, ki rơhêng vâ tối túa tơru\m pơla mâu rơpo\ng. Drêng yă kế tơmeăm khoăng chu rơpâ ôh tá tơniăn, ko\ng ti pêi pro hên túa vâ kơdroh kơxo# liăn pêi cheăng, pêi cheăng thăm châ tơ-[rê, kơdroh yă liăn mơ’no vâ pêi lo kế tơmeăm.

          Ô vâi krâ-nho\ng o [ă pú hmâ, ai hên tơdroăng pá puât, pơloăng mơnúa tung tơdroăng pêi cheăng kâ, pêi lo kế tơmeăm vâ mơnhông tơdroăng rêh kâ ối dêi kuăn pơlê, kring vế, gak ngăn tơniăn a kơpong tíu tơkăng kong, ngế chêh hlá tơbeăng chêh tối ‘na tơdroăng kố ai êng mơnhên ‘na Thie#u tươ\ng Đặng Anh Dũng, Kăn pơkuâ ngăn Binh đoân 15 ‘na mâu túa cheăng ki vâ tah lôi tơdroăng ki pá puât, pơtối rak vế, pêi pro le\m tro ‘na hnoăng cheăng ki hiăng pơcháu.

           Êng: {ă mâu tơdroăng ki pá puât hiăng châ mơ’no tối tung rơxông nếo nôkố, {inh đoân 15 hiăng ai mâu troăng hơlâ ki lâi vâ tơkâ hluâ mâu tơdroăng ki pá puât, pơtối rak vế, pêi pro ing mâu hnoăng cheăng ki hiăng châ chiâng pêi pro tung plâ 30 hơnăm hiăng hluâ?

          Thie#u tươ\ng Đặng Anh Dũng: {inh đoân hiăng hlê ple\ng nhên tơdroăng ki pá puât dế nôkố cho xua tơdroăng pêi cheăng kâ, pêi lo kế tơmeăm trâm hên xơpá, yă chhá kơxu chu rơpâ, rơpâ luâ tá yă ki hmâ tê hdrối mê hía nah, ai tơdjâk kân troh tơdroăng rêh kâ ối dêi kuăn pơlê ki pêi cheăng kâ [ă mâu tơdroăng cheăng dêi {inh đoân. Xua ti mê, {inh đoân hiăng ai hên troăng hơlâ, túa cheăng, mâu tơdroăng ki vâ kring vế tơniăn. Ki má môi cho pơtối rak vế tơniăn troăng ki hnê ‘na kih thuât vâ rak vế tơniăn ăm loăng kơxu chiâng dâi le\m, tá xê to chhá kơxu chu rơpâ tiah dế nốkố, mê cho xúa ôh tá châ rak ngăn tơniăn, ôh tá hmiân vâ pơtối rak ngăn loăng kơxu tung la ngiâ. Ki má péa nếo, mơnhên ngăn tâi tâng ‘na kơlo ki pêi cheăng kâ, ‘na kih thuât. Mâu tơdroăng ki lâi tá hâi kal mê {inh đoân kal athế kơdroh liăn ngân. Ki má pái, kal athế séa mơnhên ngăn khu ngế ki pêi cheăng ton hơnăm vâ kơdroh tơdroăng ki pơkuâ ngăn ăm i tơtro, kơdroh kơxo# liăn ki ‘no pơla dế. Ki mơ’nui cho athế to\ng kum, ngăn khât ‘na hnê mơjiâng mâu ngế kăn [o# [ă hnê mơjiâng mâu ngế ki pêi cheăng. Ing mâu tơdroăng pêi pro tiah mê, mâu hơnăm pơla hdrối kố nah, ngin khoh hiăng pro chu rơpâ yă tê chhá kơxu. Hdrối nah, vâ khoh châ ai 1 ta#n chhá kơxu ai 50 rơtuh liăn la dế nốkố bú dâng 30 rơtuh liăn. Rêm hdroh ai môi ta#n ngin hiăng kơdroh yă tê pá kơdâm 20 rơtuh liăn.

          Êng: Kơxo# tơnêi a kơpong tíu tơkăng kong ối hên la tơdroăng ki xúa tơnêi kố dế nôkố hlo hên khu pêi cheăng kâ tá hâi châ rơhéa. Mê êh pôa ai pâ thế ki klâi ‘na troăng hơlâ ai tơdjâk troh tơnêi tơníu vâ {inh đoân xuân môi tiah mâu khu mơdró kâ ing chhá kơxu chiâng xúa châ tơ-[rê ‘na kơxo# tơnêi ki hiăng ai?

          Thie#u tươ\ng Đặng Anh Dũng: Xua pơla hdrối kố nah, yă chhá kơxu chía kơnâ mê rêm ngế khoh chiâng tơbriât dêi pó pêt loăng kơxu, la ôh tá tơmiât hdrối ‘na tơnêi tơníu ki mê, ga ôh tá tơtro [ă tơdroăng pêt loăng kơxu. Klêi mê, hơ’lêh ing kong ki ôh tá dâi, la tơnêi ki mê cho tơnêi pêt kong, ôh tá xê tơnêi pêi chiâk pêi deăng, xua mê, tâng vâ pêt loăng ki ê ôh tá chiâng. Ngin pâ thế, tơnêi têa athế ăm phêp hơ’lêh tơnêi tíu ki kố chiâng tơnêi pêi chiâk deăng vâ rêm ngế châ pêt mơjiâng mâu hdrê loăng ki tơtro vâ khoh châ mơnhông tung rêh kâ ối, môi tiah pêt pôm ló Nhuk, pôm ló châ tr^ng, pêt plăng, mâu prá, thăm nếo ai pêt nhâ vâ păn ro.

          Êng: Pak^ng ‘na tơdroăng xing xoăng tơnêi, tiô thie#u tươ\ng, tung pơla khu mơdró kâ pêt loăng kơxu ki pá môi tiah nôkố, tơnêi têa kal athế kụum ki klâi?

          Thie#u tuơ\ng Đặng Anh Dũng: Tung pơla kố mê pin kal tơngah tơnêi têa kum mâu troăng hơlâ vâ ngin khoh châ rêh kâ ối tơniăn [ă mơnhông mơdêk. La ki hdrối tâ, [ă khu mơdró kâ ‘na loăng kơxu mê ngin dế ‘no liăn, dế mung, dế nôkố kơxo# liăn ki mung ăm 1 ta#n chhá kơxu ga hên ‘nâng. Tiô á pâ thế, vâ kơdroh tơdroăng hrê liăn dêi khu mơdró kâ, mê xuân chiâng mơdrếo liăn che\n chía hrá, mâu hngêi rak liăn kal athế pro mơdoh iâ tơdroăng tơvêh kơxo# liăn. Ki má péa, ‘na liăn tơkâ ki mung ing hngêi rak liăn, kal athế ăm ngin mơdrếo hdrối môi iâ [ă ngin kô mơdrếo môi iâ. {ă tơnêi têa, ngin ai pâ kal athế séa ngăn tơdroăng ki nâp [aoh hiêm. Ngin ôh tá tơtrâ kơlo ki nâp [aoh hiêm tiah dế nốkố. La tung pơla to lâi hâi, tung pơla mâu khu mơdró kâ dế trâm pá mê xuân kal athế kơdroh tơdroăng ki nâp liăn rôa [aoh hiêm pơlê pơla chu kơdroh vâ thăm mơnhông tơdroăng cheăng ăm khu mơdró kâ.

          Hôm, mơnê kơ thie#u tươ\ng

Nhat Lisa prế A Sa Ly tơplôu [ă tơbleăng