VOV4.Sêdang - Ô vâi krâ nho\ng o [ă pú hmâ! Hdrối nah, poâ Hồ Chí Minh, kăn xiâm hnê ngăn tơnêi têa pin hneăng hdrối hiăng tối: ‘’Vâ pơkuâ kăch măng, Đảng athế ó rơdêi. Đảng ó rơdêi cho xua chi [o# le#m tro. Chi [o# le#m tro cho xua đảng viên pơrá le#m tro’’. Tuăn hiêm tơmiât dêi Poâ hiăng châ xúa tung mâu hnoăng cheăng mơjiâng Đảng tung plâ 85 hnăm hiăng hluâ. Laga, xun ối tơdroăng ki ôh tá tro, ối ai hên tơdroăng kâ kơloâ, kâ kơhveăm liăn ngân, pro kơdroh ‘na tuăn hiêm ki krá kâk tung rak vế cheăng kal kí, tơdroăng rêh ối dêi mâu kăn [o#, đảng viên. Tơdroăng kố kal thế mơdêk ó khât ivá pơkuâ ngăn [ă ivá tơplâ dêi Đảng. Ki hdrối tâ [ă ki pơxiâm sap ing hnoăng cheăng mơjiâng khu đảng viên rơkê ple#ng khât, tơtro tung hiâm mơno, tơtro [ă kuăn pơlê. Khu chêh hla tơbeăng cheăng tung Rơ’jiu Việt Nam ai [ai chêh ‘na tơdroăng mê.

Klêi kơ’nâi 10 hnăm mơjiâng hnăm 2005-2015, rơtế khu râ kăn pơkuâ, mâu khu tơru\m cheăng, tíu pêi cheăng Đảng bêng Dịch Vọng Hậu, pơlê krâm Cầu Giấy-Hà Nội châ pêi tu\m [a\ ó rơdêi, choâ lâng mơnhông hnoăng cheăng [a\ tơdroăng rêh ối dêi kuăn pơlê. {a\ dó inâi ‘’Đảng viên djâ troăng ahdrối, pơlê prôk tiêu [ối kơ’nâi’’, poâ Thái Ngọc Oanh, kăn pơkuâ tôh Đảng chi [o# 14, bêng Dịch Vọng Hậu tối ăm ‘nâi: Khu đảng viên a kố cho mâu ngế ki kal kum bêng Dịch Vọng Hậu chiâng hlá cơ apoăng tung tơdroăng ‘’Lâp kuăn pơlê ru\m môi tuăn mơjiâng tơdroăng rêh ối mơhno mơjiâng túa le#m tro kơpong kơdrâm kuăn pơlê rêh ối, pêi cheăng’’, kâk kring tơdroăng kal kí, ôh tá ăm ai rơpo\ng kơtiê, mơgrúa le#m rơxoh kong prâi. Poâ Thái Ngọc Oanh tối: Mâu roh hôp Đảng, hmâ tơpui tối troh tơdroăng rêh ối dêi kuăn pơlê tung bêng. Pơtih ai mâu [ok thái pơkeăng tung kơvâ ngăn pơkeăng [a\ khăm pơlât, mâu kăn [o# hnê mơhno, khăm pơlât ăm rêm ngế; lơ mâu ngế ki ai ivá kâi hro, xun mơ-eăm po văng, kơpuih văng troăng tung kơtâu, ăm troăng tung pơlê krúa le#m, xun mơtiah mơjiâng pơlê pơla, tôh kơpho# ru\m môi tuăn, kum dêi rơpó. Chi [o# môi tuăn, ru\m môi tuăn mê nếu ó rơdêi, mê nếu kâi pơkuâ pơlê pơla, kuăn pơlê dêi tơná.

            Tâng ôh tá ai mâu ngế đảng viên kơhnâ, ‘nâi tơmâng kuăn pơlê, mehé vâ ai hên tơdroăng pơkâ xun pá vâ pêi tung tơdroăng rêh ối. Ki nhên, hiăng ai hên mâu đảng viên ’’ tơpui laga ôh tá pêi’’. Vâi pơtâng tối rơkê khât, laga pêi ôh tá rơkê, pro kuăn pơlê ôh tá môi tuăn. Ôh tá xê to mâu kăn [o# ai hnoăng nếu, ai tơdroăng tơmiêt ôh tá tơtro, ôh tá hâk kuăn pơlê, tá mâu đảng viên xun ôh tá hâk vâ [a\ kuăn pơlê, pro kuăn pơlê ôh tá loi tơngah. Poâ Phạm Đức Lượng, kăn pho\ rah chêh hlá tơbeăng Nhân dân tối: khu ngế đảng viên nô kố a tơnêi têa pin kơdrâm hên, laga tá hâi ó rơdêi, lối 4 rơtuh ngế đảng viên tá hâi pêi tâi dêi hnoăng cheăng tung mơjiâng, mơnhông mơdêk tơnêi têa. Ki xiâm kối dêi tơdroăng kố, poâ Lượng tối: Ối pá ‘nâng tung tơdroăng mơjiâng Đảng. Mơngế đảng viên pro dêi tơná chiâng ‘mêi, ôh tá pơtối mơnhông dêi hnoăng cheăng tơná. Ki ‘ló đảng viên cho ngế thế pôu râng dêi hnoăng cheăng a ngiâ kuăn pơlê, ối achê, hâk vâ [a\ kuăn pơlê. Xua kuăn pơlê mơjiâng Đảng. Hdrông kuăn ngo rơkê mơjiâng Đảng djâ troăng ahdrối. Đảng thế ối achê hâk vâ [a\ kuăn pơlê, xua kuăn pơlê, ôh tá xê xua dêi tơná. Pak^ng pơxúa ăm hdrông kuăn ngo, Đảng pin ôh tá ai vâ pro pơxúa ki ê. {a\ mâu ngế ki lâi vâ pơxúa ăm dêi rơpo\ng, mơjiâng khu phá xêh, hiêt tơdroăng ki mê, mê ôh tá xê mơngế ko\ng san. Mơngế ko\ng san thế đi đo cho pêi cheăng xua kuăn pơlê.

            Ki nhên khât ăm hlo, Đảng ó rơdêi cho kơ’nôm tơdroăng ó rơdêi dêi khu tơru\m cheăng Đảng, tơdroăng krúa le#m, ó rơdêi dêi mâu kăn [o#, đảng viên [a\ tơdroăng tơru\m đi đo pơla Đảng [a\ kuăn pơlê. Tiêu pho\ Yăo sư, Tie#n sih Nguyễn Minh Tuấn, kăn pơkuâ vie#n mơjiâng Đảng, hngêi trung hok vie#n Chin tr^ Kuốc ya Hồ Chí Minh, tơleăng tơtro tơdroăng rah xo kăn [o# ki rơkê kơhnâ pêi cheăng, rêm ngế đảng viên thế pôu râng hnoăng cheăng tung pêi cheăng, pơtối djâ troăng ahdrối tung rêm tơdroăng cheăng: Ki hôm tơtro dêi đảng viên, ôh tá xê hên lơ iâ. Xua mê mơ-eăm ôh tá xê vâ châ hên mơngế đảng viên, ki tro a kố thế tơmâng rah xo tơ‘mot tung Đảng mơngế ki tơtro, kơhnâ rơkê pêi cheăng, ai hiâm mơno têm rơpiât. Ki tơtro a kố thế krá ‘na tơdroăng kal kí, môi tuăn [a\ troăng rơhlâ dêi Đảng, luât dêi Tơnêi têa. Tơdrêng amê, vâi cho mơngế ki djâ troăng ahdrối tung rêm tơdroăng cheăng, ki má lối pêi hnoăng cheăng kal kí a pơlê pơla, tơdroăng pêi cheăng tiêu luât, djâ troăng ahdrối tung pơlê pơla, tung rơpo\ng hngêi. Mê cho túa vâ rah xo ‘mot đảng viên, tơniăn tơtro khât.

            Đảng viên thế rêh ối xua kuăn pơlê, tơdrăng [a\ kuăn pơlê, môi tuăn [a\ kuăn pơlê, xua kuăn pơlê mê chiâng pêi cheăng. Mê cho túa ki rơkê tơtro hluâ 85 hnăm mơjiâng [a\ mơnhông tơtêk dêi Đảng./.

A Sa Ly tơplôu