VOV4.Sêdang - Ƀơrô Kăn xiâm pơkuâ kong têa Mih nếo tơbleăng jâ Kamala Harris, Kăn xiâm phŏ pơkuâ kong têa Mih kô lăm pôu pêi cheăng a Việt Nam ƀă kong têa Singapore tung khế 8/2021. Roh lăm pôu vâ tơpui tơno ƀă khu râ kăn xiâm pơkuâ péa tơnêi têa ‘na mâu tơdroăng ki rơtế rơhêng vâ ‘nâi plĕng, tung mê, ai gak kring kơpong, tơdroăng hbrâ mơdât pơreăng COVID 19 dêi lâp plâi tơnêi, hbrâ ví kong prâi hơ’lêh ƀă mâu tơdroăng mơ-eăm tơdjuôm vâ thăm gak kring lâp plâi tơnêi tiô luât.

Jâ Kamala Haris, Kăn xiâm phŏ pơkuâ kong têa Mih

Roh lăm pôu pêi cheăng kô kum thăm tơrŭm cheăng ƀă po rơdâ tơrŭm cheăng ƀă péa khu tơrŭm cheăng ki xiâm dêi Mih a kơpong Ấn Độ Dương – Thái Bình Dương. Roh lăm pôu pêi cheăng Việt Nam dêi pôa Lloyd Austin, Ngế xiâm hiăng pơtối thăm pro tơrŭm cheăng pơla péa pâ krá kâk, loi tơngah pơla kuăn pơlê ƀă Khu lêng péa tơnêi têa, po rơdâ pêi pro mâu tơdroăng xiâm tơrŭm cheăng tung kơvâ cheăng lêng hiăng kĭ pơla péa Ngế xiâm pơkuâ lêng ƀă môi tuăn dêi khu râ kăn pơkuâ péa tơnêi têa, kum tung tơrŭm cheăng tŭm têk pơla Việt Nam ƀă Mih.

A Sa Ly tơplôu ƀă tơbleăng