VOV4.Sêdang - Kơxo lơ 17 khế 5, tơring Phong Điền, pơlê kong kân Cần Thơ tơku\m po leh tối tơbleăng [ă tơdah xo hlá mơ-éa pơkâ mơnhên tối cho thôn pơlê rêh ối cheăng kâ tiô túa nếo. Jâ Nguyễn Thị Kim Ngân, Kăn cheăng tung khu xiâm kal kí, kăn xiâm hnê ngăn Kuo#k ho#i veăng leh. Xông tơpui a hâi leh, jâ Nguyễn Thị Kim Ngân khe#n kơdeăn mâu tơdroăng kơdôu mơ-eăm dêi tơring Phong Điền tung mơjiâng thôn pơlê rêh ối cheăng kâ tiô túa nếo, xuân môi tiah mâu tơdroăng pêi tơchuâm dêi pơlê kong kân Cần Thơ tung hơnăm hiăng hluâ. Kăn xiâm hnê ngăn Kuo#k ho#i tối rơdêi, Phong Điền cho tíu ki mơjiâng kơpong thôn pơlê rêh ối cheăng kâ tiô túa nếo dêi Cần Thơ [ă cho 1 tung 2 tơring ki hôm dêi kơpong tơbăng kroăng Cữu Long châ mơnhên tối thôn pơlê rêh ối cheăng kâ tiô túa nếo. Malối, ‘’tơdroăng pơkâ’’ má 20 cho tơdroăng pơkâ ki kal vâ tối ki hriăn ple\ng tơdroăng ki nếo dêi tơring, tối ‘na tơdroăng ki môi tuăn dêi kuăn pơlê [ă troăng hơlâ mơjiâng thôn pơlê rêh ối cheăng kâ tiô túa nếo. Jâ Nguyễn Thị Kim Ngân tối rơdêi, tơdroăng ki hiăng pê klêi dêi Phong Điền cho ki xiâm mơhno, pro xiâm vâ Cần Thơ pơtối pêi tơ-[rê tâ nếo tung mơjiâng thôn pơlê rêh ối cheăng kâ tiô túa nếo. Kố xuân cho túa ki vâ mâu kong pơlê ki ê tung kơpong tơbăng kroăng Cửu Long hriâm túa pêi cheăng.

Gương tơplôu [ă tơbleăng