VOV4.Sêdang - Kơxo hâi lơ 5 khế 5, jâ Tòng Thị Phóng, Kăn xiâm pho\ hnê ngăn Kuo#k ho#i rơtế 4 ngế kăn troh trâm mâ kuăn pơlê a tíu tâ ph^u kơxo# 1 pơlê kong kơdrâm Sơn La, kong pơlê Sơn La. A roh trâm mâ kuăn pơlê, jâ Tòng Thị Phóng [a\ mâu kăn ki tiô jâ hiăng tối tơdroăng pêi cheăng dêi tơná tâng châ rah xo to pro Kăn Kuo#k ho#i. Klêi kơ’nâi tơmâng mâu kăn Kuo#k ho#i hneăng má 14 tơpui tối, kuăn pơlê kong kơdrâm Sơn La kheăn kơdeăn mâu tơdroăng pêi cheăng dêi mâu ngế ki vâ to pro kăn; tơdrêng amê pói tơngah mâu kăn ki châ rah xo cho mơngế ki teăng mâ ăm rơkong tơpui [a\ pro pơxúa ăm kuăn pơlê, re\ng tơmâng tơleăng mâu tơdroăng ki kal dêi kong pơlê. Laga kuăn pơlê a pơlê kong kơdrâm Sơn La tối ối tô tuăn ‘na mâu tơdroăng môi tiah: Hnê hriâm, mâu tơdroăng pá puât ‘na hngêi trung lâm hriâm, tơdroăng kâ kơhveăm liăn ngân, mơgrúa kế kâ [a\ hía hé. Teăng mâ khu kăn ki trâm mâ kuăn pơlê, jâ Tòng Thị Phóng kheăn kơdeăn [a\ mơnhên mâu tơdroăng mê i tơdrăng, tơdroăng mơ-eăm tá hiâm mơno dêi kuăn pơlê; tơdrêng amê sôk ro mâu tơdroăng mơnhông mơdêk dêi pơlê kong kơdrâm Sơn La.

A Sa Ly tơplôu [ă tơbleăng