VOV4.Sêdang - Kơxo lơ 26/8, a Hà Nội, tơkŭm po Roh hôp má môi Khu hnê mơhno mơjiâng Tơdroăng tơkêa bro ‘’Mơgêi 15 hơnăm pêi pro Pơkâ Tơnêi têa 5 (hneăng 10) ‘na pơtối pơ’lêh nếo troăng pêi pơkuâ dêi Đảng ƀă mâu tơdroăng pêi cheăng dêi Khu cheăng kal kí” tơbleăng Hneăng hôp Tơnêi têa 6 (hneăng 13). Jâ Trương Thị Mai, Kăn xiâm pơkuâ tơkŭm po tơdroăng cheăng tơnêi têa pơkuâ roh hôp. Jâ Trương Thị Mai, Kăn xiâm pơkuâ hnê mơhno Tơdroăng tơkêa bro pơkâ thế mâu kăn Khu hnê mơhno tơrŭm ƀă Kơ koan ki ai mâ đi đo pơchân tối, vêh rah xo mâu tơdroăng.

Pơtối mê, mâu tơdroăng pêi kal tơkŭm tâi tâng mâu tơdroăng ki kân, trâu hơngế, ví tơdroăng ki bô bối, tơdrêng amê kô pơkâ mâu khu râ kăn pơkuâ hnê ngăn cheăng Đảng pêi pro tơbleăng tơdroăng. Tơdroăng tơkêa bro thế châ kêi đeăng tung khế 9/2022. Tơdrêng amê pơchân, ối 1 hơnăm vâ pêi pro, laga tơdroăng tơkêa bro cho rơdâ, xua mê, mâu kăn tung Khu hnê mơhno kal pơtối hriăn plĕng vâ veăng tơpui tối mơjiâng tơbleăng ƀă tơdroăng hlối pôu râng hnoăng cheăng, cho hnoăng cheăng dêi khu râ kăn pơkuâ hnê ngăn cheăng Đảng,  khu Đảng ƀă mâu ngế dế pêi cheăng.

A Sa Ly tơplôu ƀă tơbleăng