VOV4.Sêdang - Kơxo lơ 24 khế 5, a Hà Nội, jâ Trương Thị Mai, kăn cheăng tung tíu xiâm tơdroăng kal kí, kăn pơkuâ ngăn tíu xiâm Đảng, Kăn xiâm pơkuâ khu hnê mơhnhôk cheăng Tíu xiâm tơnêi têa hiăng ai rôh pêi cheăng [ă khu kăn pơkuâ Tíu xiâm Đoân droh rơtăm ko\ng san Hồ Chí Minh. Mơnhên tối khât klêi kơ’nâi hnoăng cheăng Đoân [ă mâu tơdroăng tơ’noăng droh rơtăm, mâu pho#m vâ xông kân 5 khế apoăng hơnăm kố, jâ Trương Thị Mai pơkâ thế, tung la ngiâ ah, Tíu xiâm Đoân droh rơtăm, Khu ngăn droh rơtăm Việt Nam kal tơmâng ngăn tâ mê nếo troh tơdroăng ki tăng cheăng pêi ăm droh rơtăm. Tiô jâ Trương Thị Mai, tơdroăng cheăng pêi cho tơdroăng ki kal [ă mâu ngế hơnăm ối nếo. Tung mê, tơdroăng cheăng pêi krá tơniăn ai 3 tơdroăng pơkâ: Rơkê ple\ng ‘na tơdroăng cheăng pêi, pêi lo liăn tơniăn [ă tơniăn tung tơdroăng cheăng pêi. Rêm râ khu xiâm Đoân droh rơtăm – khu ngăn droh rơtăm kal séa ngăn tâi tâng mâu tơdroăng cheăng kâ rêh ối pơlê pơla tơdjâk troh mâu hơnăm ối nếo vâ ai troăng hơlâ to\ng kum tơtro.

Katarina Nga tơplôu [ă tơbleăng