VOV4.Xơ Đăng -  Kơmăng lơ 5/1, a Hà Nội, tơkŭm po Tơdroăng leh tơbâ 72 hơnăm hâi Hok tro, sinh viên Việt Nam ƀă Khu sinh viên Việt Nam (09/01/1950 – 09/01/2021), kheăn kơdeăn sinh viên châ inâi ‘’Sinh viên 5 tro’’, khu pú hên sinh viên châ inâi ‘’Khu sinh viên 5 tơtro’’ râ Tơnêi têa hơnăm 2021, diâp pri ‘’Hơlŏng khế 1’’ hơnăm 2021. Troh veăng ai jâ Võ Thị Ánh Xuân, Kăn xiâm phŏ hnê ngăn tơnêi têa, mâu kăn pơkuâ Đảng, Tơnêi têa ƀă khu râ kăn pơkuâ mâu Khu cheăng, Khu xiâm, kơvâ cheăng Tơnêi têa.

Jâ Võ Thị Ánh Xuân, Kăn xiâm phŏ hnê ngăn tơnêi têa veăng Tơdroăng leh tơbâ 72 hơnăm hâi Hok tro, sinh viên Việt Nam

Hơnăm 2021, mơhé tơdjâk xua pơreăng COVID-19, mâu khu xiâm xuân đi đo tơkâ hluâ pơloăng mơnúa, pêi pro rơkê mâu tơdroăng pêi cheăng, mơjiâng tiú hriâm ăm sinh viên, mâu ngế hriâm. Roh kố, Khu sinh viên Việt Nam hiăng diâp Inâi ‘’Sinh viên 5 tơtro’’ râ Tơnêi têa ăm 291 ngế sinh viên châ ƀă diâp inâi ‘’Khu sinh viên 5 tơtro’’ râ Tơnêi têa ăm 60 khu sinh viên.