VOV4.Sêdang - Kơxo lơ 23/8, Trung đoân Kăn sat cơ đô̆ng Tây Nguyên hiăng ăm 100 ngế kăn ƀô̆, lêng lăm troh a kong pơlê Bà Riạ - Vũng Tàu tŏng kum kong pơlê kố hbrâ mơdât pơreăng COVID-19. Ai 100 ngế kăn ƀô̆, lêng ối tung Trung đoân kăn sat kơ đô̆ng Tây Nguyên ƀă ai tŭm kế tơmeăm ki hbrâ rơnáu hiăng djâ 5 toăng rơxế chơ chiân tơdrăng troh Bà Riạ - Vũng Tàu tŏng kum kuăn pơlê tíu kố hbrâ mơdât pơreăng COVID-19.

Kăn ƀô̆, lêng Trung đoàn kăn sat cơ đô̆ng Tây Nguyên lăm troh a mâu kong pơlê peăng Hdroh kum tơplâ mơdât pơreăng

Thươ̆ng tă Diêm Công Toàn, Trung đoân trưởng Trung đoàn kăn sat Cơ đô̆ng Tây Nguyên tối “Xua ivá, châ chăn dêi kuăn pơlê”, ƀă hiâm mơno “Hbrâ mơdât pơreăng môi tiah tơplâ xâ”, mâu kăn ƀô̆, lêng mơnhên kố cho hnoăng cheăng tơplâ tung pơla tơnêi têa hiăng hơniâp lĕm, cho hnoăng cheăng ƀă tơnêi têa ƀă kuăn pơlê. Hdrối mê, ai 310 ngế kăn ƀô̆, lêng dêi khu kố hiăng mot tŏng kum a Pơlê kong kân Hồ Chí Minh pêi pro dêi hnoănv cheăng ki hiăng pơcháu.

Katarina Nga tơplôu ƀă tơbleăng