VOV4.Sêdang - Sôk so cho kăn ki châ veăng hôp a hneăng hôp lâp tơnêi têa rôh má 12 dêi Đảng, mâu kăn lo ing kong pơlê Gia Lai, Dak Nông, Kon Tum tối tuăn hiâm tơná tơmiât [ă tơdroăng ki loi tơngah tung Hneăng hôp kân pơtối ai mâu tơdroăng pơkâ tơdrăng, tơtro tung mơnhông mơdêk cheăng kâ rêh ối tung mâu hơnăm pơtối.

Pôa Kpă Thuyên, kăn pho\ hnê ngăn Vi[an kong pơlê Gia Lai, cho kăn ki veăng hôp a Hneăng hôp Đảng lâp tơnêi têa rôh má 12 loi tơngah tơdroăng ki hơ’lêh nếo ‘na kăn pơkuâ dêi Đảng [ă pơkuâ dêi Tơnêi têa vâ mơnhông mơdêk tơdroăng cheăng kâ rêh ối dêi tơnêi têa, rak vế tơniăn tung kring gâk tơdroăng kal kí. Tơdrêng amê, hnối rak tơniăn tơdroăng rêh ối pơlê pơla, malối cho hnoăng cheăng ‘’kơdroh tah hrâ mơnguâ kơtiê xơpá’’ a kơpong hdroâng kuăn ngo re\ng [ă krá tơniăn, pro chiâng ai tơdroăng ki ro, loi tơngah ăm mâu hdroâng kuăn ngo, veăng kum mơjiâng khu tơru\m hdroâng kuăn ngo tung tâi tâng kuăn pơlê. Ki xiâm, môi tiah a kong pơlê Gia Lai, kong pơlê ai 1 rơtuh 300 rơpâu ngế kuăn pơlê, tung mê vâ châ tơdế cho hdroâng kuăn ngo, ki hên cho 2 hdroâng kuăn ngo Jarai [ă Bơhnéa. Troh mơ’nui hơnăm 2015, tâi tâng rơpo\ng kơtiê dêi kong pơlê chu ối a kơlo 11,67%, rơpo\ng vâ chê kơtiê ối 7,78%.

Jâ H’ Vi Êban, kăn pơkuâ hnê ngăn Đoân droh rơtăm kong pơlê Dak Nông, cho môi ngế kăn pơkuâ khu Đoân, jâ sôk ro drêng châ teăng mâ ăm rơxông hơnăm ối nếo kong pơlê Dak Nông veăng a hneăng hôp kân khu kăn lâp tơnêi má 12 dêi Đảng. ‘’Kuăn pơlê lâp tơnêi têa xuân môi tiah kuăn pơlê [a\ rơxông ối nếo kong pơlê Dak Nông tung mâu hâi kố dế tơmiât troh hneăng hôp, [a\ hiâm mơno sôk ro, phiu niu khât mâu tơdroăng châ [lêi chiâng kân ki tơnêi têa hiăng châ tơ-[rê tung pơla kố nah ing pơkuâ dêi Đảng [a\ Tơnêi têa. Hneăng hôp roh má 12 dêi Đảng pơxúa khât tung tơdroăng rêh ối kal kí dêi tơnêi têa. Hneăng hôp cho roh vâ tâi tâng Đảng, tâi tâng kuăn pơlê pơtối mơnhông mơdêk tơdroăng pâ nhoa#m tơnêi têa, ‘nâi mơ-eăm xêh, ivá ru\m môi tuăn hdroâng kuăn ngo vâ pơtối mơnhông mơdêk tơdroăng ki hơ’lêh nếo, mơnhông mơdêk tơnêi têa, kho\m mơ-eăm pêi tơ-[rê tơdroăng pơkâ hnê thế kuăn pơlê pro kro mơdro\ng, tơnêi têa ó rơdêi, kuăn pơlê pơkuâ dêi hnoăng cheăng, rơkê’’.

Pôa R]om Giáo, kuăn pơlê hdroâng kuăn Jarai, kăn pơkuâ hnê ngăn Đảng tơring Sa Thầy, kong pơlê Kon Tum, tung khu kăn ki veăng troh hôp a hneăng hôp lâp tơnêi têa rôh má 12 dêi Đảng hiăng tối mâu tơdroăng ki rơhêng vâ mơnhông mơdêk kơpong Tây Nguyên rế hía rế le#m tro tâ. Tung la ngiâ ah, vâ mơdêk tâ nếo mâu tơdroăng ki ó rơdêi dêi kơpong, Chin phuh kal tơku\m mơ’no [ă xúa tơ-[rê mâu kơxo# liăn vâ ‘no cheăng tung mơjiâng hngêi trăng, troăng klông cheăng kâ rêh ối pơlê pơla tiô troăng ki tơdâng tơ’mô ăm kơpong Tây Nguyên, re\ng pêi klêi mâu troăng kân kơxo# 14C, 24, 40, ‘no liăn mơjiâng pro troăng kân Hồ Chí Minh, troăng ki tơkâ hluâ mâu pơlê kong kơdrâm, pơlê kong krâm, pơlê kân, ‘mâi rơnêu mâu troăng kơtâu ngi kong pơlê, ‘no liăn pro troăng ngi tíu tơkăng kong, troh bo cheăng, tíu xiâm cheăm, kơpong cheăm [ă hên tơdroăng ki ê. Pák^ng mê, vâ kum hdroâng kuăn ngo kơpong Tây Nguyên ai tơdroăng rêh ối phâi tơtô, Tơnêi têa kal tơtro\ng troh tơdroăng ki ‘no liăn cheăng mơjiâng pro mâu kế tơmeăm, kơpong ki mơjiâng pro kế tơmeăm, hno têa, long têa ki kân, ‘mâi rơnêu mâu rơchoâ, long têa ki tơ’nhiê [ă hên kế tơmeăm ki ê.

A Sa Ly prế Katarina Nga tơplôu [ă tơbleăng