VOV4.Sêdang - Cho môi to thôn ai tâi tâng hdroâng kuăn ngo rêh ối, tung mê, ki hên cho kuăn pơlê hdroâng kuăn ngo K’ho, mâu hơnăm hiăng hluâ, kơnôm ing khên tơnôu hơ’lêh tâi tâng tơnêi deăng pêt kơphế, chếi chiâng pêt túa hdrê ki nếo châ tơ-[rê khât, rơtế [ă tơdroăng pêi pro troh roh mơhnhôk tâi tâng kuăn pơlê tơru\m mơjiâng tơdroăng rêh ối hlôh hlê rơkê ple\ng nếo a kơpong kuăn pơlê rêh ối, troh nôkố, tơdroăng cheăng kâ rêh ối dêi kuăn pơlê a thôn B’Dơr, cheăm Lộc An, tơring Bảo Lâm, kong pơlê Lâm Đồng hiăng mơ-eăm mơnhông tơtêk tung tâi tâng. Vâ châ tơ-[rê tơdroăng kố xua ing tơdroăng veăng kum dêi pôa Hoa Huy Hành, krâ pơlê, kăn pơkuâ ngăn chi [o# thôn B’Dơr. Tơdroăng a kơ’nâi kố dêi Quang Sáng ai hơ’muăn tối ‘na ngế ki djâ troăng ahdrối kố.

            Lăm a thôn B’Dơr, cheăm Lộc An, tơring Bảo Lâm, kong pơlê Lâm Đồng nôkố, ngin hlo tơviah khât tơdroăng ki hiăng hơ’lêh a kơpong pơlê kơtiê, tâi tâng mơngế rêh ối a kố to hdroâng kuăn ngo K’ho. Mâu hngêi trá, hlá xá nah nôkố ôh tá ai xếo, to mâu hngêi me#n ximong kân le\m rơdâ; troăng kân tung pơlê, tung kơtâu hiăng châ tôh bê-tông, kơmăng on tơhrik bâ eăng drô troăng kân [a\ hía hé.

            Tơdah ngin tung hngêi kân le\m rơdâ [a\ ai tu\m kế tơmeăm khoăng, krâ pơlê [a\ kăn pơkuâ cheăng Đảng Chi [o# thôn Hoa Huy Hành tối ăm ‘nâi: mâu hơnăm hiăng hluâ, pôa rơtế khu kăn pơkuâ cheăng Đảng thôn đi đo mơ-eăm mơhnhôk kuăn pơlê mơnhông cheăng kâ, mơhno khôi túa le\m tro pơlê pơla tung pơlê dêi tơná. Pak^ng pơtâng tối mâu troăng hơlâ dêi Đảng [a\ luât dêi Tơnêi têa, pôa ối khên tơnôu hơ’lêh hdrê pêt, klêi mê, mơhnhôk kuăn pơlê pêi tiô [ối. Kơnôm mê, tung chât hơnăm kố, kuăn pơlê tung thôn hiăng mơ-eăm hơ’lêh hdrê pêt, pêt chếi, [a\ng kơphế hiăng krâ lâk tah tâi tâng, pêt tơmó kơphế nếo, plâi kơtóu. Ing mê, tơdroăng cheăng kâ dêi kuăn pơlê rế hía rế tơniăn [a\ mơnhông tơtêk. Pôa Hoa Huy Hành, krâ pơlê tối: Vâ mơhnhôk kuăn pơlê tung pơlê, mê athế djâ troăng ahdrối pêi tơtro rêm tơdroăng, sap ing tơdroăng cheăng kâ troh mơhno mơjiâng túa le\m tro, rêh ối pơlê pơla thế djâ troăng ahdrối, vâ rêm ngế hlo [a\ pêi tiô [ối. Kuăn ‘ne\ng á châ hriêm troh tá tui lui. Tơdroăng cheăng kâ rơpo\ng tơniăn. Ai môi tiah mê, drêng á mơhnhôk ‘na mâu troăng hơlâ dêi Đảng [a\ luât dêi tơnêi têa, mê rêm ngế pêi pro kơtăng. Ing mê, á mơhnhôk hơ’lêh tơdroăng pêi cheăng, thế khên tơnôu tung hơ’lêh hdrê pêt. Tơbleăng mâu túa cheăng ki rơkê tơtro ing mâu rơpo\ng ki pêi cheăng rơkê, hnê mơhno ăm vâi ngăn, ing mê, vâi nếo pêi tiô [ối, nếo hriâm tâp, klêi mê pêi tiô [ối, klêi mê po rơdâ lâp thôn.

            Thôn B’Dơr nôkố ai 400 rơpo\ng, laga bu ai 3 rơpo\ng kơtiê, xua ôh tá ai kuăn ‘ne\ng rak ngăn. Lối 10 hơnăm kố, thôn châ mơnhên cho mơnhông mơdêk tu\m túa [a\ châ mơnhên cho ‘’thôn mơhno mơjiâng túa le\m tro’’. Pôa Hoa Huy Hành, krâ pơlê tối ăm ‘nâi, pôa rơtế [ă khu pơkuâ kuăn pơlê tung thôn dế pơtối mơhnhôk kuăn pơlê veăng tơlo liăn roê on tơhrik vâ [â eăng a mâu troăng kân ki tá hâi ai on, ai tiah mê kơtâu nếo le\m, pơlê le\m, kuăn pơlê prôk lăm tơ’lêi a kơmăng.

            Ôh tá xê to kơhnâ pơtâng tối kuăn pơlê mơnhông mơdêk cheăng kâ, pôa Hoa Huy Hành, krâ pơlê ối mơdoh chôu ti tăng rah, hriăn ple\ng [a\ hnê chư chêh nâl K’ho ăm kuăn ‘ne\ng [a\ mâu kăn [o# a cheăm; tơku\m po hên lâm hnê to\n chêng tơgôu koăng [a\ mơjiâng khu to\n chêng tơgôu dêi thôn, mơhnhôk kuăn ‘ne\ng cháu chái troh hriâm a hngêi trung [a\ hía hé. Pôa Hoa Huy Hành, krâ pơlê tối: Ma luâ pin rêh ối tung rơxông nếo, laga pôi tá hiêt xiâm kối dêi tơná, hriâm nâl Xuăn cho tơtro laga pôi tá hiêt dêi chư nâl tơpui dêi nôu pâ. Ing mê, thế mơhnhôk kuăn pơlê rak vế khôi túa le\m tro, rak dêi chư chêh hdroâng kuăn ngo tơná. Nôkố á ai khu axoâng dêi mơngế hdroâng kuăn ngo tung pơlê, ai khu to\n chêng tơgôu koăng nếo, xua mê drêng ai hâi leh kân xua tơring lơ kong pơlê tơku\m po [a\ tâi tâng khu veăng amê. A xuân hiăng ai mơ-éa pâ thế khu kăn pơkuâ râ kong pơlê, vâ chư K’ho châ hnê tung hngêi trung, hnê a mâu hngêi trung râ má 1, má 2, má 3 [a\ mâu hngêi trung ăm hok tro hriâm kâ koi ối pơtê tung hngêi trung. Ai môi tiah mê nếo rak nâl chư chêh K’ho ăm kuăn pơlê tơring.

            {a\ tơdroăng ki djâ troăng ahdrối, đi đo djâ troăng ahdrối rêm tơdroăng cheăng, đi đo rak ngăn troh tơdroăng mơnhông mơdêk cheăng kâ, tơdroăng rêh ối dêi kuăn pơlê tung pơlê tơná, pôa Hoa Huy Hành krâ pơlê châ pơto pơtih môi tiah on [â eăng, djâ troăng ăm pơlê mơnhông mơdêk [a\ mot tơru\m cheăng tung lâp tơnêi têa.

A Sa Ly tơplôu [a\ tơbleăng