VOV4.Sêdang - Kơxê lơ 11/8, a Hngêi Kuô̆k hô̆i, Vi ƀan pơkuâ cheăng Kuô̆k hô̆i hiăng tơkŭm po trâm mâ mâu kăn Kuô̆k hô̆i ki pơkuâ tơdroăng cheăng a râ xiâm tơnêi têa hneăng má 14 ôh tá pơtối châ rah xo ƀă mâu kăn ƀô̆ râ kơpêng ki rak ngăn Vi ƀan pơkuâ cheăng Kuô̆k hô̆i ki hiăng pơtê tiô pơkâ.

Pôa Vương Đình Huệ, Kăn xiâm hnê ngăn Kuô̆k hô̆i pơkuâ rôh trâm mâ. Tơpui hnê mơhno a rôh trâm mâ, pôa Vương Đình Huệ tối, Kuô̆k hô̆i đi đo nhoăm, tơmâng, thế mơ-eăm, hriâm tuá pêi cheăng, hbrâ rơnáu tơmâng tơdroăng ki veăng hnê khĕn dêi mâu kăn Kuô̆k hô̆i ki pơkuâ mâu tơdroăng cheăng a râ xiâm tơnêi têa hneăng 14  ki ôh tá pơtối châ rah xo ƀă kăn ƀô̆ râ pơkuâ rak ngăn dêi Vi ƀan pơkuâ cheăng Kuô̆k hô̆i ki hiăng pơtê cheăng tiô pơkâ ƀă xuân hbrâ rơnáu pâ thế mâu tơdroăng ‘na hnoăng cheăng pêi dêi Kuô̆k hô̆i.

Malối mâu tơdroăng tơkêa bro tung tơdroăng cheăng vâ pêi tiô pơkâ dêi Đảng lâp tơnêi têa rôh má 13 ƀă mâu tơdroăng tơkêa luât, mâu pơkâ nhên ki tơdjâk troh hnoăng cheăng dêi dêi Kuô̆k hô̆i.

Gương tơplôu ƀă tơbleăng