VOV4.Sêdang - Tung ƀai pơchuât a ngiâ Kuô̆k hô̆i, drêng hâi mố đô̆i rong râ - hlâ hía lơ 27/7/2021, pôa Vương Đình Huệ, kăn xiâm hnê ngăn Kuô̆k hô̆i tối nhên, pêi pro tro troăng hơlâ kơjo kum ƀă mâu ngế ki ai hnoăng rế cho tơdroăng kilĕm, hnoăng cheăng kikân kĭn dêi khu pơkuâ tơdroăng kal kí ƀă tâi tâng kuăn pơlê, rế cho tơdroăng ki rak vế tơniăn pêi pro rơkê plĕng ƀă tơdâng tơ’mô dêi pơlê pơla, veăng kum ‘mâi mơnhông khu tơrŭm tâi tâng hdroâng kuăn ngo, mơdêk tơdroăng loi tơngah dêi Kuăn pơlê a Đảng, Tơnêi têa.

Teăng ma Kuô̆k hô̆i, pôa Vương Đình Huệ, kăn xiâm hnê ngăn Kuô̆k hô̆i pơtroh mâu kăn pơkuâ kăch măng ki hiăng krâ, mâu Jâ Nôu Việt Nam khên tơnôu, mâu ngoh ki hiăng hlâ kring vế kuăn pơlê, ngoh khên tơnôu tung pêi cheăng, mâu mố tro rong, mố đô̆i châi tamo, rơpo\ng hngêi mâu mố đô̆i hlâ, ngế ki ai hnoăng ƀă kăch măng tung lâp tơnêi têa rơkong kơ-êng tối, tơpui tơno [ă hiâm mơno pâ mơnê.

Pôa Vương Đình Huệ tối nhên, tơdroăng ki hlâ rong, hnoăng cheăng kân kĭn dêi mâu rơxông hdrối, mâu ngoh khên tơnôu, mố đô̆i tro rong, rơpŏng ki ai mố đô̆i hlâ, ngế ki ai hnoăng đi đo cho ivá hiâm mơno ki kơnía git, kum ivá rơdêi vâ tâi tâng Đảng, tâi tâng kuăn pơlê ƀă tâi tâng khu lêng tơkâ luâ mâu tơdroăng ki xơpá, pơloăng mơnúa, mơjiâng ƀă mơnhông tơnêi têa kro mơdrŏng, hơniâp ro.

Katarina Nga tơplôu ƀă tơbleăng