VOV4.Sêdang - Kơxo lơ 23/8, Hneăng hôp Kuô̆k hô̆i râ má môi mâu kong têa ASEAN roh má 42 (AIPA-42) ƀă dó inâi ‘’Mơnhông mơdêk tơrŭm Kuô̆k hô̆i râ má môi tung kơvâ kih thuât kơxô̆, tâi tâng tơmiât troh Mâu kong têa ASEAN hơnăm 2025’’ hiăng pơxiâm po ing pơkuâ dêi pôa Darussalam Pehin Dato Abdul Rahman Taib, Kăn xiâm hnê ngăn AIPA, Kăn xiâm hnê ngăn Khu mơjiâng luât mơ’no tung um tiô troăng măng internet. Khu râ kăn xiâm Kuô̆k hô̆i Việt Nam xua pôa Vương Đình Huệ, Kăn xiâm hnê ngăn Kuô̆k hô̆i pơkuâ xiâm veăng AIPA-42 a tíu mơ’no hyôh um Hà Nội, Việt Nam.

Kăn xiâm hnê ngăn Kuô̆k hô̆i Pơxiâm po Hneăng hôp AIPA roh má 42

Tiô tơdroăng pêi cheăng, kơxo roh hôp tâi tâng tơkŭm po ƀă hên tơdroăng xiâm ki kal. Peăng kơxê, pôa Vương Đình Huệ, Kăn xiâm hnê ngăn Kuô̆k hô̆i ai ƀai xông tơpui ki kal, tơkŭm mơnhên tơdroăng lâp plâi tơnêi, kơpong, ing mê mơdêk hnoăng cheăng dêi khu tơrŭm cheăng tŭm têk ƀă tơdroăng rŭm môi tuăn dêi ASEAN; mơnhên mâu tơdroăng mơ-eăm dêi Việt Nam tung tơdroăng hbrâ mơdât COVID-19 ƀă troăng tơmiât pêi dêi Việt Nam ‘na tơrŭm tŏng kum vaccine.

A Sa Ly tơplôu ƀă tơbleăng