VOV4.Xơ Đăng -  Kơmăng lơ  5/1, a  Hà Nội, Um tơvi Kuô̆k hô̆i Việt Nam  tơkŭm po leh tơbâ 7 hơnăm hâi pơxiâm mơ’no hyôh um tơvi ki apoăng lơ (06/01/2015 – 06/01/2022) ƀă tơbleăng Khu kơmăi kơxô̆. Pôa Vương Đình Huệ, Kăn xiâm hnê ngăn Kuô̆k hô̆i, pôa Trần Thanh Mẫn, Kăn phŏ hnê ngăn  Kuô̆k hô̆i  troh veăng leh tơbâ. Tơbleăng a hâi leh tơbâ, pôa Vương Đình Huệ púi vâ, tíu mơ’no hyôh um tơvi Kuô̆k hô̆i Việt Nam pơtối rak vế hnoăng cheăng pêi mơ’no môi ƀâng um tơvi dêi tơnêi têa ôh tá la lâi lôi pơ’lêh nếo, mơnhông mơdêk tá ki “Tro” ƀă ki “tơ-ƀrê”, cho tíu tơdjêp tíu loi nhoăm pơla Kuô̆k hô̆i ƀă kuăn pơlê tung lâp tơnêi têa, vâ “kuăn pơlê ối alâi, hyôh um tơvi Kuô̆k hô̆i Việt Nam rơtế châ troh a tíu mê”.

Kăn xiâm hnê ngăn Kuô̆k hô̆i veăng lêh tơbâ 7 hơnăm hâi mơ’no um tơvi Kuô̆k hô̆i

Rôh kố, Tíu mơ’no hyôh um tơvi Kuô̆k hô̆i Việt Nam hiăng tơbleăng Khu kơmăi kơxô̆ tung măng Internet a tíu chêh inâi quochoitv.vn. Kố cho ki tơngah kô cho xiâm tơdroăng kal kơxô̆ ‘na mâu tơdroăng cheăng pêi dêi Kuô̆k hô̆i, mâu kăn Kuô̆k hô̆i, dêi mâu kơ koan Kuô̆k hô̆i, dêi mâu kăn Kuô̆k hô̆i; cho xiâm ki tơdjêp, ăm ‘nâi ƀă hriăn ki nếo mâu tơdroăng mơ’no ăm kuăn pơlê ngăn tung lâp tơnêi têa.

Gương tơplôu ƀă tơbleăng