VOV4.Sêdang - Hâi hnah, lơ 28 khế 6, a pơlê kong kân Hồ chí Minh, Viện Pasteur pơlê kong kân Hồ Chí Minh hiăng hâk tơngăm châ tơdah xo inâi pêi cheăng khên tơnôu xua Kăn xiâm hnê ngăn tơnêi têa diâp ăm. Viện Pasteur pơlê kong kân Hồ Chí Minh cho Viện Pasteur Sài Gòn, châ mơjiâng a hơnăm 1891, cho Viện Pasteur ki má 2 châ mơjiâng kơ’nâi Viện Pasteur Paris. Môi tung mâu tơdroăng cheăng pêi ki hlo tơ-[rê dêi tíu pêi cheăng kố tung mâu hơnăm hiăng hluâ cho hiăng pê klêi hnoăng cheăng pơkâ ‘’rơpâu hơnăm’’ dêi tơdroăng tơnêi têa ‘na tah châi hrê sap klêi mơhum, kơdroh mâu ngế ki tro, [ă hlâ xua tơngê lo mơheăm Dengue xua mơ-êi ngôa. Veăng leh diâp inâi khên tơnôu pêi cheăng ăm Viện Pasteur pơlê kong kân Hồ Chí Minh, pôa Trương Tấn Sang, Kăn xiâm hnê ngăn tơnêi têa pơkâ thế tíu pêi cheăng pơtối rak vế pêi pro tơdroăng ki le\m tro ton nah, ai hên tâ nếo hnoăng cheăng veăng ‘no pêi tung tơdroăng mơdât pơreăng, pơlât ngăn ivá kuăn pơlê mo le\m.

Gương tơplôu