VOV4.Sêdang - Kơxo lơ 18/8, pôa Nguyễn Xuân Phúc, Kăn xiâm hnê ngăn tơnêi têa pơkuâ hneăng hôp tơpui tơdroăng cheăng ƀă mâu kăn xiâm dêi kong pơlê ‘na tơdroăng cheăng kâ- rêh ối pơlê pơla. Xông tơpui a rôh pêi cheăng, pôa Nguyễn Xuân Phúc khĕn kơdeăn Đảng bộ, mâu kăn ƀă kuăn pơlê kong pơlê Bắc Giang hiăng ai hên hnoăng plâ mơdât pơreăng, tơ-ƀrê, tro tiô pơkâ. Xua mê, klêikơ’nâi lối 12 khế plâ mơdât pơreăng tơ-ƀrê, 36 hâi hdrối Bắc Giang hiăng ôh tá ai ngế tâ pơreăng nếo.

Tơdroăng ‘mâi mơnhông tê mơdró cheăng kâ pơxiâm nếo. Kố cho hnoăng pêi pro kơhnâ khât, veăng ‘no tơchoâm dêi lâp tơnêi têa ƀă túa pêi cheăng hdró tro ƀă hên mâu kong pơlê tung lâp tơnêi têa. Mê cho, kong pơlê hiăng mơdât tơƀrê pơreăng mot tung kong pơlê kố a 4 kơpong hngêi kơmăi ki kân. Pơla dế ai pơreăng tâ tú, Bắc Giang xuân tơkŭm po klêi hneăng tâ phĭu rah xo kăn Kuô̆k hô̆i ƀă Hô̆i đong hnê ngăn rêm râ.

Pôa Nguyễn Xuân Phúc, Kăn xiâm hnê ngăn tơnêi têa pêi cheăng ƀă mâu kăn kong pơlê  Bắc Giang

Tơdrêng amê, kong pơlê hiăng pêi tơ-ƀrê ‘na tơdroăng cheăng kâ mê cho tê tơmeăm ăm kong têa ê, nâp liăn ngân ăm hngêi rak liăn. Rôh kố, teăng mâ kăn xiâm Đảng, tơnêi têa, pôa Nguyên Xuân Phúc hiăng diâp Me dai pêi cheăng ối má pái ăm Đảng bộ, mâu kăn ƀă kuăn pơlê tung kong pơlê Bắc Giang ‘na mâu hnoăng pêi tơ-ƀrê tung tơdroăng hbrâ mơdât pơreăng COVID-19

Gương tơplôu ƀă tơbleăng