VOV4.Sêdang - Hâi lơ 30/8, pôa Nguyễn Xuân Phúc, kăn xiâm hnê ngăn tơnêi têa hiăng kĭ pơkâ tơdroăng ki ăm lo hdrối tâ hâi khế pơkâ hơnăm 2021, ăm hlo hdrối hâi khế pơkâ ƀă 3.026 ngế ki kroăng phak dế pêi pro tro mâu tơdroăng pơkâ ‘na kroăng phak, 3 ngế dế châ pơtê pơtân tơdroăng ki pêi pro kroăng phak, 6 ngế dế châ ôh tá ăm pêi pro tung tơdroăng kroăng phâk, ai tŭm tơdroăng ki vâ ăm lo hdrối hâi khế pơkâ hơnăm 2021.

Pơkâ kố châ xêt khât sap ing lơ 1/9/2021. Ngế pro xiâm hnê ngăn Chin phuh, kăn xiâm hnê ngăn ƀă mâu ngế ki tơrŭm cheăng tung Hô̆i đong tiâ mơnhên tơdroăng ki ăm lo hdrối hâi khế pơkâ, Hngêi tơleăng xiâm, Viê̆n trưởng viê̆n arak luât xiâm, Kăn xiâm hnê ngăn Ƀơrô kăn xiâm hnê ngăn tơnêi têa pôu râng pêi pro tơdroăng pơkâ kố.

Katarina Nga tơplôu ƀă tơbleăng