VOV4.Sêdang - Kơxê hnah, lơ 1 khế 12, a Hà Nội, pôa Trương Tấn Sang, Kăn xiâm hnê ngăn tơnêi têa hiăng lăm pôu, pêi cheăng [ă Khu kăn xiâm pơkuâ ngăn kuăn pơlê pêi chiâk deăng Việt Nam ‘na 5 hơnăm pêi pro tiô tơdroăng tơkêa bro ki kân ‘’Thăm mơnhông hnoăng cheăng dêi Khu kăn pơkuâ ngăn kuăn pơlê pêi chiâk deăng Việt Nam tung mơnhông mơdêk pêi chiâk deăng, mơjiâng thôn pơlê nếo [ă mơjiâng khu pêi chiâk deăng Việt Nam pơla sap hơnăm 2010 troh hơnăm 2020’’.

Tơpui a chôu phut pêi cheăng, pôa Trương Tấn Sang, Kăn xiâm hnê ngăn tơnêi têa tối rơdêi: Tơdroăng pơkâ klêi kơ’nâi hôp dêi Đảng tơnêi têa hneăng 10 ‘na pêi chiâk deăng, kuăn pơlê pêi chiâk deăng, rêh ối thôn pơlê cho tơdroăng pơkâ ki re\ng tơtro tung rêh ối mơjiâng tơdroăng ki phiu niu a thôn pơlê. Tung pơla dế trâm pá puât tơchuâm mê pêi chiâk deăng, rêh ối thôn pơlê xuân ối châ pêi pro hên hnoăng cheăng, kơlo pêi lo dêi rêm ngế kuăn pơlê pêi chiâk deăng dâng 2,7% GDP, pêi chiâk deăng, pêt kong, păn tơnăng ká xi xo\ng cho kơvâ ki châ tê dêi hên kế tơmeăm, châ 30 rơtal dollar, hiăng ai hên tuá tơdjâ pêi chiâk deăng, pêt kong, păn tơnăng ká, xi xo\ng châ pro pơxúa hên păng ‘nâng. Kăn xiâm hnê ngăn tơnêi têa tối ăm ‘nâi, [ă ivá cheăng ki ối rơdêi kân, tâng pin xúa khoa hok, kơmăi ki nếo mê mơni kế tơmeăm pêi lo kô thăm châ rế hên tâ, dâi le\m tâ, la ki kal athế châ rak vế, [ă pơtối mơnhông hnoăng cheăng dêi Khu kăn xiâm pơkuâ ngăn kuăn pơlê pêi chiâk deăng tung hnê cheăng pêi, hnê mơhno ‘na cheăng kơmăi vâ thăm rế châ mơdêk tâ tơmeăm pêi lo dêi kuăn pơlê pêi chiâk tối phá [ă pêi cheăng kâ dêi tơnêi têa tối tơchuâm.

Nhat Lisa tơplôu [ă tơbleăng