VOV4.Sêdang - Kơxê hâi lơ 2 khế 12, a pơlê kong kân Cần Thơ, pôa Trương Tấn Sang, Kăn xiâm hnê ngăn tơnêi têa ai roh pêi cheăng [a\ Khu hnê mơhno cheăng Tây Nam Bộ ‘na mơnhông mơdêk cheăng kâ – rêh ối pơlê pơla [a\ cheăng lêng gâk kring tơniăn a kơpong tơbăng kroăng Cửu Long sap apoăng hơnăm troh nôkố. A roh pêi cheăng, pôa Trương Tấn Sang, Kăn xiâm hnê ngăn tơnêi têa tối rơdêi: Tơbăng kroăng Cửu Long cho tíu ki kân ‘na cheăng kâ pêi chiâk deăng, mâu tơdroăng châ tơ-[rê, tơkâ hluâ 30 hơnăm hơ’lêh nếo hiăng châ mơnhên tơdroăng mê, nôkố kế tơmeăm khoăng vâ mơnhông tơtêk ối hên, Khu hnê mơhno rơtế mâu khu xiâm kơvâ cheăng kal tơku\m ivá vâ thăm pêi lo hên kế tơmeăm khoăng ing chiâk deăng [a\ ká xi xo\ng vâ mơnhông tơtêk. Tung mê, thế hơ’lêh hdrê pêt, mơnăn păn, po rơdâ mâu túa ki châ tơ-[rê tung pơla kố nah, tơdrêng amê xúa khoa hok kơmăi kơmok tung pêi chiâk deăng vâ thăm pêi lo kế tơmeăm khoăng, dâi le\m, ai ivá tơbriât cheăng, mê xuân cho vâ pêi lo hên kế tơmeăm khoăng, kum mơdêk tơdroăng rêh ối dêi kuăn pơlê [a\ tơdroăng cheăng kâ tơnêi têa. Pôa Trương Tấn Sang tối rơdêi tung pơla liăn ngân tơnêi têa iâ, xua mê, thế tơmiât pro tiah lâi vâ mơhnhôk hên khu mơ’no liăn cheăng a kong têa ê, mơ’no liăn cheăng tung kơpong [a\ thăm hơ’lêh ‘na liăn ngân, tơniăn tơdroăng cheăng lêng, gâk kring [a\ hía hé. Ai môi tiah mê nếo kum thăm mơnhông dêi kơpong xiâm peăng mâ hâi lâ peăng hdroh dêi tơnêi têa.

A Sa Ly tơplôu [ă tơbleăng