VOV4.Sêdang - Hneăng hôp kân Khu tơrŭm Kuô̆k hô̆i mâu kong têa tung ASEAN rôh má 42 (AIPA – 42) hiăng pơxiâm châ tơkŭm po tiô tơdroăng ki ‘no tơdrêng ing troăng hyôh internet, teăng mâ Tơnêi têa ƀă kuăn pơlê Việt Nam, pôa Nguyễn Xuân Phúc, kăn xiâm hnê ngăn tơnêi têa hiăng ai tơdroăng ki tơbleăng koh tơdah pơtroh troh a Hneăng hôp kân Hô̆i đong AIPA – 42. Kăn xiâm hnê ngăn tơnêi têa tối nhên, Hneăng hôp kân hô̆i đong AIPA-42 châ tơkŭm po tung pơla lâp plâi tơnêi ƀă tung kơpong dế trâm mâu tơdroăng xua tơdjâk ó khât dêi pơreăng kân COVID-19, tơdjâk ó troh mơnhông mơdêk cheăng kâ rêh ối pơlê pơla ƀă tơdroăng rêh ối kuăn pơlê a mâu kong têa.

Kăn xiâm hnê ngăn tơnêi têa pơtroh kơthô koh tơdah Hneăng hôp Hô̆i đong AIPA – 42

Tung hneăng ki xơpá, pơloăng mơnúa nôkố, kăn xiâm hnê ngăn tơnêi têa tối nhên ki kal dêi tơdroăng mơjiâng luât mâu kong têa ASEAN, hŏng IAPA ƀă mâu kăn Kuô̆k hô̆i ƀă mâu khu ki tơrŭm xiâm tơrŭm ƀă tŏng kum dêi rơpó tơƀrê cho ivá mơ-eăm dêi Chin phuh ‘mâi mơnhông ivá rơdêi dêi tâi tâng ASEAN tơkâ luâ tơdroăng pá puât, pơtối pêi pro tơƀrê hnoăng cheăng pơkâ mơjiâng mâu kong têa.

Katarina Nga tơplôu ƀă tơbleăng