VOV4.Sêdang - Klăng Hneăng hôp kân má môi Khu tơrŭm pơxiâm tăng cheăng pêi tơnêi têa lơ 25/8, pôa Nguyễn Xuân Phúc, Kăn xiâm hnê ngăn tơnêi têa hiăng ai kơthô pơtroh mâu kăn teăng mâ veăng Hneăng hôp. Tung kơthô ai chêh ‘’Tung tơdroăng mơnhông tơtêk dêi tơnêi têa, khu tê mơdró, ngế tê mơdró pôu râng hnoăng cho môi tơdroăng ki kal. Hâi lơ 13/10 rêm hơnăm châ Ngế pro xiâm hnê ngăn Chin phuh pơkâ cho Hâi Ngế tê mơdró Việt Nam. Đảng pin xuân hiăng tơbleăng pơkâ ‘na mơjiâng khu ngế tê mơdró ƀă mâu khu tê mơdró cheăng kâ.

Pôa Nguyễn Xuân Phúc, Kăn xiâm hnê ngăn tơnêi têa

Đảng, Tơnêi têa đi đo tơmâng hnê mơhno, tŏng kum ƀă rơtế kuăn pơlê, pro tơ’lêi hlâu vâ kuăn pơlê mơnhông tâi tâng tơmeăm khoăng, pêi cheăng rơkê, mơnhông mơdêk tơdroăng pêi cheăng, veăng kum mơjiâng tơnêi têa’’. Kăn xiâm hnê ngăn tơnêi têa pói vâ Khu tơrŭm pơxiâm tăng cheăng pêi Tơnêi têa kô chiâng kông tơdjêp châ tơƀrê pơlê pơla pơxiâm tăng cheăng pêi, kum pro ăm mâu ngế ki ê tiô ƀối, hnê mơjiâng, tŏng kum, pêi pro chiâng mâu tơdroăng pói vâ pơxiâm tăng cheăng pêi a Việt Nam.

A Sa Ly tơplôu ƀă tơbleăng