VOV4.Sêdang - Hâi  lơ  30/7, a Pơlê kong kân Hồ Chí Minh, pôa Nguyễn Xuân Phúc, Kăn xiâm hnê ngăn tơnêi têa pêi cheăng ƀă khu kăn dêi Pơlê kong kân Hồ Chi Minh. Kăn xiâm hnê ngăn tơnêi têa tối nhên, tơdroăng pơkâ pêi ahdrối, ƀă ki kal má môi drêng kố cho kring vế ivá ƀă tơniăn ivá dêi kuăn pơlê, kơdroh hlâ mơngế. Ing mê tơdroăng ‘na tâp ‘mế châ mơngế hlâ thế pêi pro tro tiô tơdroăng kơtăn hơngế tiô pơkâ 16, ƀă vâ pêi pro thế tơmâng troh tơdroăng rêh ối dêi kuăn pơlê lối 10 rơtuh kuăn pơlê a Pơlê kong kân Hồ Chí Minh, tơdroăng plâ mơdât pơreăng xơpá khât ‘nâng, Kăn xiâm hnê ngăn tơnêi têa khĕn kơdeăn kăn hnê ngăn, khu kăn cheăng kal kí Pơlê kong kân Hồ Chí Minh hiăng pơkâ teăm tơdrêng, hên troăng, hên tơdroăng vâ hbrâ mơdât pơreăng, teăm pêi pro tiô pơkâ tơniăn tung rêh ối, teăm mơjiâng nếo 16 to hngêi pơkeăng pơtân ki kân, tâi tâng ai vâ chê 50 rơpâu to xoăng koi pơlât.

A rôh pêi cheăng, Kăn xiâm hnê ngăn tơnêi têa ăm ‘nâi hiăng mơhnhôk khu ai tuăn hơ-ui tung tơnêi têa ƀă kong têa ê veăng kum Pơlê kong kân Hồ Chí Minh ai 103 rơtal liăn ƀă 10 toăng kơmăi hiâm rơtế hên tơmeăm ‘na khăm pơlât. Tung mê, khu mơdró kơvâ hngêi rak liăn kum 30 rơtal liăn, Hngêi rak liăn Sacombank kum 30 rơtal liăn, khu mơdró kong têa ê kum 1 rơtuh dollars.

Gương tơplôu ƀă tơbleăng