VOV4.Sêdang - Kơxo hâi lơ 30 khế 11, pôa Huỳnh Ngọc Sơn, Kăn xiâm pho\ hnê ngăn Kuo#k ho#i trâm mâ kuăn pơlê a mâu pơlê kân Hải Châu, Thanh Khê, Sơn Trà, Ngũ Hành Sơn [a\ Cẩm Lệ, pơlê kong kân Đà Nẵng. Ki hên, kuăn pơlê khe#n kơdeăn hneăng cheăng dêi roh hôp Kuo#k ho#i kố nah. Laga, hên kuăn pơlê ối tôu tuăn ‘na tơdroăng têa kơx^ Biển Đông xua kong têa Sinuâ rế hía rế mơjiâng pro hên chuăn hmốu a Trường Sa. ‘Na hbrâ mơdât kâ kơhveăm liăn ngân, nho\ng o pơlê kong kân Đà Nẵng pói tơngah Kuo#k ho#i pơtối pêi dêi hnoăng cheăng séa ngăn, tơleăng mâu roh kâ kơhveăm liăn ngân, thăm pro kuăn pơlê loi tơngah. Tơbleăng hneăng hôp Kuo#k ho#i má 10 hneăng má 13, pôa Huỳnh Ngọc Sơn tối ăm ‘nâi, hơnăm 2015 tung pơla ối trâm hên pá puât, laga tơdroăng cheăng kâ tơnêi têa pin hiăng châ mơnhông tơtêk. Laga, tơdroăng cheăng kâ tơnêi têa pin mơnhông tơtêk tá hâi tơniăn, tơdroăng che#n liăn tâk re\ng, ối hên mâu ngế pro xôi, kâ kơhveăm liăn ngân. Pôa Huỳnh Ngọc Sơn tối ăm ‘nâi, tơdroăng têa kơx^ Biển Đông thăm ôh tá tơniăn. Mơnhên hdrối mâu tơdroăng dêi kong têa Sinuâ pro, pin hiăng tơtrâ [a\ mơdât ‘na hiâm mơno hdi tơbriât mê a mâu roh hôp tơpui tơno lâp plâi tơnêi, tơdrêng amê pơtối thăm kơchăng, hbrâ mơdât hdrối.

A Sa Ly tơplôu [ă tơbleăng