VOV4.Sêdang - Kơxo lơ 18 khế 3, Khu hnê mơhno cheăng Tíu xiâm tơnêi têa xua pôa Nguyễn Lam, kăn xiâm pho\ hnê mơhnhôk cheăng tơnêi têa pro kăn pơkuâ khu kăn kố ai rôh lăm pôu pêi cheăng [ă khu kăn pơkuâ ngăn Đảng kong pơlê Dak Lak ‘na tơdroăng ki pơsăm tối tơdjâk troh tơnêi tơníu [ă chiâ xo mâu kế tơmeăm tung kong pơlê. Tiô hlá mơéa tối tơbleăng dêi khu kăn pơkuâ ngăn Đảng kong pơlê Dak Lak, hơnăm 2016, mâu khu râ, kơvâ cheăng tung kong pơlê hiăng tơdah lối 4 rơpâu hlá đơn pơsăm tối, pâ thế tối tơbleăng, pơsăm tối tơdjâk troh tơnêi tơníu. Tung mê, ai 173 kơtâ hlá đơn pơsăm tối, ối tung tơdroăng pơkâ tơleăng dêi kong pơlê. Kong pơlê hiăng tơleăng klêi 157 rôh. Laga, tơdroăng ki pơsăm tối tơdjâk troh tơnêi tơníu a râ cheăm xuân hlo ôh tá tơniăn, malối cho a mâu tíu ki pêi chiâk deăng, tơnêi ki pêt kong. Tơmâng xo mâu tơdroăng ki kong pơlê Dak Lak hiăng pêi pro, pơkâ mơ’no mâu tơdroăng ki tá hâi tơleăng klêi kal ‘mâi rơnêu, pôa Nguyễn Lam, kăn xiâm pho\ khu hnê mơhnhôk cheăng tơnêi têa pơkâ thế: ‘’Tung pơla tối tơbleăng pêi pro mâu troăng tơkêa túa pơkâ, thế tah lôi khu pơkuâ pêi chiâk pêi deăng pêt kong tiô troăng hơlâ tơdjuôm dêi Đảng, dêi Chin phuh hiăng mơ’no, athế ai tơdroăng ki tơru\m [ă pêi pro kơtăng dêi mâu khu ki lăm séa ngăn tơdjâk hnoăng cheăng dêi Khu xiâm tơnêi têa vâ kum kong pơlê tơru\m pơkâ tơleăng mâu rôh ki trâm pá, kố cho tơdroăng ki pin kal tơmâng ngăn. La hnoăng cheăng tơpui tơno [ă kuăn pơlê xuân cho môi tơdroăng ki kal vâ kuănpơlê môi tuăn, tung pơla mê pin pêi pro mâu hnoăng cheăng tiô mâu troăng hơlâ ki tơ-[rê má môi.

Katarina Nga tơplôu [ă tơbleăng