VOV4.Sêdang - Hâi lơ 12 khế 8, Khu kăn pêi dêi hnoăng cheăng dêi Khu hnê mơhno cheăng Tây Nguyên xua pôa Điểu Kré, Kăn cheăng tung Tíu xiâm Đảng, kăn xiâm pho\ pơkuâ, pro kăn xiâm pơkuâ khu kăn kố pêi cheăng [ă khu pơkuâ ngăn Đảng kong pơlê Gialai ‘na tơdroăng ki pêi pro mâu hnoăng cheăng ki xiâm dêi kong pơlê tung pơla hdrối kố nah [ă tơmâng rơkong tơpui tối, pâ thế pơkâ mơ’no dêi kong pơlê ‘na mâu kơvâ cheăng kâ, rêh ối, kring vế pơlê pơla, cheăm bêng, mơjiâng troăng hơlâ kal kí. Xông tơpui a rôh pêi cheăng, pôa Điểu Kré, mơnhên tối khât mâu tơdroăng ki hiăng pêi pro klêi tung pơla hdrối kố nah dêi kong pơlê Gialai. Kăn xiâm pho\ pơkuâ tối rơdêi: ‘’Gialai kal ai mâu troăng hơlâ pêi pro ki nhên [ă mơdêk tơdroăng ki pơkuâ, hnê mơhno vâ pêi pro tro túa pơkâ mơnhông mơdêk cheăng kâ rêh ối, rak tơniăn tơdroăng kring gâk. Malối, sap ing nôkố troh mơ’nui hơnăm 2016, Gialai athế pêi klêi péa tơdroăng ki xiâm, mê cho tơku\m tâi tâng khu xiâm pơkuâ tơdroăng kal kí [ă xing xoăng tơnêi pêi kâ, tơnêi ối ăm kuăn pơlê hdroâng kuăn ngo’’.

Katarina Nga tơplôu [ă tơbleăng