VOV4.Sêdang - Pôa Ban Ki-moon, Kăn xiâm chêh tơm xo rơkong Khu lâp kong têa a hâi lơ 3 khế 3 hiăng kơbông thế pôa Salva Kiir, Kăn xiâm pơkuâ ngăn kong têa Peăng Hdroh Sudan [ă pôa Riel Machar, Kăn xiâm pho\ pơkuâ ngăn kong têa kố mơ’no mâu rơkong tơpui ki tơru\m cheăng ki kal vâ tơleăng, pơtê tơdroăng ki tơplâ tơplong a kong têa ki ối kơtiê má môi tung lâp plâi tơnêi kố. Rơkong kơbông kố hiăng châ pôa Ban Ki-moon, Kăn xiâm chêh tơm xo rơkong Khu lâp kong têa tối to lâi hâi hdrối vâ pơkâ á hâi má mơ’nui cho a hâi lơ 5 khế 3, xua Kơ koan ngăn ‘na tơru\m hên chin phuh, dó inâi IGAD mơ’no, vâ mơgêi ‘na mâu hneăng tơpui pro hơniâp ro ‘na kong têa Peăng hdrôh Sudan. Pôa Ban Ki-moon, Kăn xiâm chêh tơm xo rơkong khu lâp kong têa hiăng hnan thế péa pâ pêi pro i khât dêi hnoăng cheăng pơkuâ, athế to\ng kum, rak vế tơdroăng rêh ối dêi kuăn pơlê Peăng hdrôh Sudan kố cho kal má môi, kal athế ai tơdroăng tơpui tơno pro pơle#m vâ khoh k^ tơkêa môi tơdroăng cheăng ki vâ axoăng hnoăng pơkuâ.

Nhat Lisa tơplôu