VOV4.Sêdang -Kơxo lơ 24/8, Đăi tươ̆ng Phan Văn Giang, ngế cheăng tung khu xiâm kal kí, Kăn xiâm phŏ hnê ngăn Đảng lêng, Ngế xiâm pơkuâ ngăn lêng ƀă pôa Lê Văn Thành, Ngế pro xiâm phŏ hnê ngăn tơnêi têa hiăng lăm pôu, mơhnhôk mâu ngế cheăng khăm pơlât, ƀok thái pơkeăng, mau kăn ƀô̆, mâu lêng ki plâ mơdât pơreăng a Hngêi pơkeăng lêng 175, mâu tíu gak ngăn tung pơlê kong kân Hồ Chí Minh.

Xông tơpui a hâi pêi cheăng, pôa Lê Văn Thành khĕn kơdeăn tâi tâng khu lêng tối tơchoâm, mâu lêng tối krê, tung mê ai Hngêi pơkeăng 175 hiăng djâ troăng ahdrối tung hbrâ mơdât pơreăng; hlối thế mâu lêng pêi tro hnoăng cheăng kring vế tơniăn, pơtroh ‘na kế kâ ăm kuăn pơlê tung kơpong tâ pơreăng; kơdroh kơxô̆ mơngế tâ pơreăng, pơtối rak vế khu cheăng plâ mơdât pơreăng.

Xuân tung kơxo lơ 24/8, khu ki lăm pêi cheăng hnoăng cheăng hiăng lăm pôu, séa ngăn ƀă mơhnhôk mâu kăn ƀô̆, mâu lêng ki dế pêi cheăng a tíu gak ngăn hbrâ mơdât pơreăng ƀă mâu tíu rak tơniăn rêh ối pơlê pơla tung pơlê kong krâm, Pơlê kong kân Hồ Chí Minh.

Gương tơplôu ƀă tơbleăng