VOV4.Sêdang - Hâi hnah, lơ 7 khế 6, Khu pơkuâ ngăn ‘na tơdroăng nếo ai, um tivi, rơ’jíu dêi kong pơlê Daknông tơku\m po roh hôp ‘na hlá tơbeăng khế 5 hơnăm 2016 vâ séa mơnhên ngăn tơdroăng cheăng dêi khu chêh hlá tơbeăng, chêh in mơ’no hnê tối mâu tơdroăng cheăng tung khế 6. Xông tơpui a roh hôp mê, tơdrêng [ă tơdroăng ki mơnhên tối, tơbleăng mơhno ki kong pơlê teăng mâ mâu kơ koan chêh hlá tơbeăng kal vâ ‘nâi ple\ng, jâ Tôn Thị Ngọc Hạnh, Kăn hnê ngăn pho\ pơkuâ Vi [an kong pơlê Daknông tối rơdêi, hlá tơbeăng hiăng veăng kum kal khât tung tối tơbleăng tơdroăng nếo ai, hnê mơhno ‘na tơdroăng cheăng kal kí, ‘na pêi cheăng kâ, rêh ối pơlê pơla, kring vế tơniăn ăm tơdroăng gak ngăn dêi kong pơlê. Tung pơla tối tơbleăng tơdroăng nếo ai mê, mâu kơ koan hlá tơbeăng kal pơtối kring vế tơniăn ki păng ‘nâng, tơtro [ă tơdroăng ki ai dêi pơlê pơla, châ tơ-[rê hên tung tơdroăng djâ troăng hơlâ ăm pơlê pơla. Drêng chêh tối mâu tơdroăng ki kal tung kong pơlê, tơdrêng [ă tơdroăng tối tơbleăng tro tiô troăng hơlâ dêi Đảng, luât dêi tơnêi têa, mê khu chêh hlá tơbeăng xuân kal athế tối nhên mâu tơdroăng ki pêi pro hâi teăm tro, ối tơvâ tơvân, tơdroăng ki pro pá ăm kuăn pơlê tung pro hlá mơ-éa, ma lối [ă mâu kăn [o# ki cheăng a kơ koan, mâu đông lêng, kong pơlê. {ă hên tơdroăng cheăng ki ê, túa pêi pro, mâu kơ koan hlá tơbeăng kal athế to\ng kum ăm kong pơlê pơtối tơbleăng hên ‘na tơdroăng nếo ai, mơhno mơđah ngiâ méa dêi kong pơlê Daknông troh a pú hmâ tung [ă pá kong kong pơlê, thăm mơnhông mơdêk tơdroăng ki tơ’mot tơmối mot ôm hyô, mâu tơdroăng cheăng ki pêi lo liăn ngân, vâ mơnhông mơdêk.

Nhat Lisa tơplôu [a\ tơbleăng