VOV4.Sêdang - Hâi lơ 5 khế 3, Khu pơkuâ vâi kơdrâi tơring Di Linh, kong pơlê Lâm Đồng tơku\m po leh mơd^ng tơbâ hâi vâi kơdrâi lâp plâi tơnêi lơ 8 khế 3, tơbâ 1975 hơnăm xông tơplâ xâ Hai Bà Trưng [a\ mơgêi tơdroăng tơ’noăng pâ nhuo#m tơnêi têa, khe#n kơdeăn mâu khu pú hên [a\ mâu ngế ki kơhnâ rơkê tung plâ 5 hơnăm 2009 – 2015. A leh mơd^ng, khu pơkuâ vâi kơdrâi tơring hiăng pâ mâu tơdroăng mơnhông mơdêk hâi vâi kơdrâi lâp plâi tơnêi [a\ roh xông tơplâ xâ Hai Bà Trưng; tơdrêng amê, kơbông krếo mâu khu râ kơdrâi tung tơring pơtối mơnhông khôi túa le#m tro dêi vâi kơdrâi [a\ sôk ro tơdroăng châ [lêi trâng dêi hdrông kuăn ngo, loi tơngah khât ivá pơkuâ dêi Đảng vâ tơdjuôm ivá mơjiâng [a\ gâk kring tơnêi têa.

A Sa Ly tơplôu