VOV4.Sêdang - Kơxê lơ 1 khế 8, a Hà Nội, Khu pơtâng tối tơdroăng kal tơnêi têa tơku\m po trâm mâ leh tơbâ 86 hơnăm hâi mơjiâng kơvâ pơtâng tối tơdroăng kal lơ 1 khế 8 hơnăm 1930 lơ 1 khế 8 hơnăm 2016. Xông tơpui a rôh trâm mâ, pôa Võ Văn Thưởng, Kăn pơkuâ Khu xiâm pơtâng tối tơdroăng kal pơkâ thế: Kơvâ pơtâng tối thế hlê ple\ng nhên [a\ trâu hơngế ‘na hnoăng cheăng dêi tơná tung la ngiâ kố ah. Pơtối hlê ple\ng hnoăng cheăng pơtâng tối ing pơkâ nếo. Pơtối mơnhông mâu tơdroăng châ tơ-[rê, tơleăng mâu tơdroăng pá puât, tá hâi rơkê tơtro tung pêi cheăng, hơ’lêh ó rơdêi tung hnoăng cheăng xiâm, troăng pêi cheăng, vâ tơxâng tiô pơkâ tơdroăng rêh ối dế nôkố. Ki rơhêng vâ tối, hbrâ mơdât mâu ngế ki vâ tăng ‘nhê tơnêi têa, tăng troăng mơhnhôk ôh tá tơtro ‘na hiâm mơno, tơtrâ mơdât mâu tơdroăng ki ôh tá tơtro tung Internet.

A Sa Ly tơplôu [ă tơbleăng