VOV4.Xơ Đăng - Pơtối tơdroăng hneăng hôp ôh tá tối hdrối, kơxo lơ 6/1, tơpui tơno a tôh, Khu râ kăn Kuô̆k hô̆i kong pơlê Dak Lak hiăng tơkŭm tơpui tơno ‘na Luât ‘mâi rơnêu, tơ’nôm mâu troăng dêi Luât mơ’no liăn dêi tơnêi têa, Luât mơ’no liăn tiô troăng khu tơrŭm tơnêi têa ƀă kuăn pơlê, Luât mơ’no liăn, Luât pơcháu ăm mâu ngế ki pêi hôm tâ, Luât on tơhrik, Luât khu tê mơdró, Luât xo hnoăng mơhá tơmeăm ki má môi, Luât tơleăng tơdroăng xôi xivil tiô tơdroăng a hneăng hôp hiăng pơkâ mơ’no.

Khu râ kăn teăng mâ Kuô̆k hô̆i kong pơlê  Dak Lak 

Mâu kăn teăng mâ Kuô̆k hô̆i a kong pơlê Dak Lak môi tuăn tơdroăng ‘mâi rơnêu, tơ’nôm mâu troăng dêi 8 luât kô pro ăm tŭm mâu troăng pơkâ pêi, troăng hơla adêi Đảng ƀă teăm tơdrêng tah lôi mâu tơdroăng pá puât, tơvâ tơvân ki nếo ai tung tơdroăng nôkố. Veăng tơpui ‘na Luât mơ’no liăn dêi tơnêi têa, pôa Y Vinh Tơr, Kăn pơkuâ kăn teăng mâ Kuô̆k hô̆i kong pơlê Dak Lak môi tuăn ƀă 3 tơdroăng xiâm kal ‘mâi rơnêu, laga tiô pôa pơkâ thế kal tơmâng hên tâ nếo troh tơdroăng xing xoăng râ, xing xoăng hnoăng ƀă pôu râng hnoăng cheăng ƀă mâu tơdroăng tơkêa bro ai kơxô̆ liăn ODA.

A Sa Ly tơplôu ƀă tơbleăng