VOV4.Sêdang - Kum dêi pó, kum mâu vâi hdrêng kơtiê ai tơdroăng rêh ối trâm hên pá puât, vâi hdrêng chó chêng tơvê ko\ng, mơhnhôk vâi mơ-eăm tung hriâm tâp, kơdroh tơdroăng châi hiâm xua chó chêng tơvê ko\ng, cho tơdroăng ki pêi pơxúa, pêi đi đo dêi Khu pơkuâ rak liăn to\ng kum vâi hdrêng kong pơlê Dal Lak tung hên hơnăm hiăng hluâ. Ing tơdroăng to\ng kum, rak ngăn kố, hr^ng rơpâu ngế vâi hdrêng kơpong hơngế hơngo, kơpong ki trâm hên pá puât, vâi hdrêng chó chêng tơvê ko\ng dêi kong pơlê hiăng châ kum, mơhnhôk tung rêh ối. {ai chêh dêi Hương Lý, ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh ‘na tơdroăng kố.

Bu xiâm 10 hơnăm, la o Lê Mỹ Kim, hok tro lâm 5C, Hngêi trung râ má môi Hà Huy Tập, tơring Krông Ana, kong pơlê Dak Lak hiăng trâm hên tơdroăng pá puât, kuăn tê ti ai nôu tá pâ. Jâ pá nôu Kim ăm ‘nâi: ‘’Drêng o hiăng châ 5 hơnăm, pơreăng u\m xôu hiăng pro pâ o prôk hơngế. Môi hơnăm kơ’nâi mê, xua tơdroăng rêh ối xơpá, ôh tá ai liăn pơlât, nôu Kim xuân hlâ lêk xua pơreăng lo mơheăm ngoâ’’. Nôu, pâ hlâ lêk, Kim châ pôa, jâ pá nôu păn roăng. Mơhé tơdroăng rêh ối xơpá la o hiăng tơkâ hluâ tâi mâu tơdroăng pá, mơ-eăm hriâm chiâng ngế ki hriâm rơkê 5 hơnăm hlối, châ thái nhoa#m, mâu vâi pú pâ troh. Laga, tơdroăng hriâm dêi o ối trâm hên xơpá drêng rêm hâi o athế prôk chêng lăm hriâm dâng 3 km troăng nếo troh a lâm. ‘Nâi tơdroăng ki xơpá mê, achê kố, Khu rak liăn to\ng kum vâi hdrêng kong pơlê Dak Lak hiăng diâp ăm o rơxế mái kơnâ 1 rơtuh 500 rơpâu liăn vâ o tơ’lêi hlâu tâ troh hngêi trung hriâm. Kim tối: Rơxế mái cho tơmeăm ki ai pơxúa khât [ă á, ai rơxế mái a  tơ’lêi tâ troh hngêi trung. A tơhrâ kô mơ-eăm hriâm rơkê ôh tá pro poâ jâ, thái cô [ă tâi tâng mâu rê ngế khéa xúa á.

{ă pôa Hoàng Văn Vệ, ối a thôn Sơn Trà, cheăm Bình Hòa, tơring Krông Ana sôk ro khât drêng châ Khu rak liăn to\ng kum vâi hdrêng kong pơlê Dak Lak diâp rơxế krốu ăm Hoàng Văn Minh, ngế kuăn kơnốu tro pơreăng ‘na ngoâ vâ chê 10 hơnăm kố. Tơdroăng rêh ối rơpo\ng hngêi pá ó khât, ôh tá ai tơnêi pêi kâ, on veăng pôa rêm hâi athế lăm cheăng vâi, kuăn kơnốu đi đo tamo, cheăng kâ rơpo\ng rế hía rế pá. Rơhêng ai rơxế kró vâ tơ’lêi hlâu tâ tung prôk vêh [ă chiân kuăn troh hngêi trung mế nôkố hiăng ai khât. Pôa Hoàng Văn Vệ tối ăm ‘nâi: Muăn chó chêng tơvê ko\ng môi tiah kố châ khu kăn pơkuâ cheăm tơmâng ngăn to\ng kum ăm rơxế króu hlo sôk ro khât. Hdrối kố nah, ai rơxế króu ki ton hiăng tơ’nhiê ôh tá ai liăn roê rơxế ki nếo. Ai rơxế króu kố kô tơ’lêi hlâu tâ ăm nôu pâ ôh tá pôu, ngin muăn vâ pêi viâ mâu tơdroăng ki ê.

Lê Mỹ Kim, Hoàng Văn Minh bu péa tung lối hr^ng ngế vâi hdrêng ki ai tơdroăng rêh ối xơpá, chó chêng tơvê ko\ng châ Khu rak liăn to\ng kum vâi hdrêng kong pơlê Dak Lak kum. Sap hơnăm 2011 nah troh nôkố, Khu kố hiăng hbru ăm vâ chê 400 ngế vâi hdrêng kuăn tê ôh tá ai kơbố păn roăng [ă lối 1 rơpâu 500 ngế vâi hdrêng ki chó chêng tơvê ko\ng, to\ng kum pâ plâi nuih, to\ng kum pơlât vâ chê 1 rơpâu 500 ngế [ă kơxo# liăn lối 14 rơtal, diâp liăn hriâm rơkê ăm vâ chê 6 rơpâu ngế hok tro, hbru tơmeăm [ă to\ng kum trếo kơhiâm ăm lối 24 rơpâu ngế vâi hdrêng ki ai tơdroăng rêh ối xơpá a mâu cheăm kơpong hơngế hơngo, kơpong hdroâng kuăn [ă kơxo# liăn lối 6 rơtal. Pôa Lâm Đình Nhiên, kăn pơkâ Khu rak liăn to\ng kum vâi hdrêng kong pơlê Dak Lak ăm ‘nâi, lâp kong pơlê nốkố ai lối 9 rơpâu 700 ngế vâi hdrêng kuăn tê, 10 rơpâu 700 vâi hdrêng chó chêng tơvê ko\ng. Tung la ngâ ah, Khu rak liăn to\ng kum vâi hdrêng kong pơlê kô pơtối mơhnhôk tơlo liăn vâ kum mâu vâi o [ă rơpo\ng kơdroh iâ tơdroăng pá, ai tơ’nôm tơdroăng ki loi tơngah tung rêh ối: Hơnăm 2016 ah, khu pơkuâ rak liăn to\ng kum vâi hdrêng kô pơtối mơhnhôk mâu khu tơru\m tung kong pơlê, pá mâu kong pơlê ki ê, mâu khu tơru\m kong têa vâ pơtối pêi pro mâu tơdroăng, môi tiah: pâ mâu tơdroăng ki châ ăm vâi hdrêng ki tơdjâk xua trếo ‘mêi dioxin, vâi hdrêng ki châi plâi niuh sap ing tơx^n. Pák^ng mê, xuân ối kơhnâ to\ng kum mâu hngêi trung kơpong hơngế hơngo, liăn hriâm rơkê ăm vâi hdrêng kơtiê hriâm rơkê tơkâ hluâ xơpá troh hngêi trung [ă rơxế króu ăm vâi hdrêng ki chó chêng tơvê ko\ng.

Sap ing tơdroăng pêi ki kố, ai pơxúa dêi Khu rak liăn to\ng kum vâi hdrêng kong pơlê Dak Lak hiăng kum ăm lối rơpâu ngế vâi hdrêng tung kong pơlê tơkâ hluâ mâu tơdroăng xơpá, kum ‘na liăn ngân, hơlêm mâu tơdroăng ki châi ‘na châ, tuăn hiâm, kum ăm mâu vâi o tơru\m tro tâ tung rêh ối.

Katarina Nga tơplôu [a\ tơbleăng