VOV4.Sêdang - Khu xiâm Kan săt rak ngăn tơdroăng cheăng ‘na pro tơniăn pơlê pơla, Kŏng an hiăng tơkŭm pơ’lêh tơbleăng khât phần mềm rak ngăn kuăn pơlê kơpong tâ pơreăng tung lâp tơnêi têa ing kơmăi chêh ‘măn mâu tơdroăng dêi tơnêi têa ‘na kuăn pơlê. Ing mê, Khu xiâm Kan săt rak ngăn ‘na tơdroăng cheăng rak tơniăn pơlê pơla hiăng tơbleăng mơnúa chêh ‘mot tung phần mềm rak ngăn kơpong tâ pơreăng a Pơlê kong kân Hà Nội ƀă kong pơlê Quảng Ninh tung tơdroăng tơdjêp ƀă Kơmăi chêh ‘măn mâu tơdroăng ‘na tơnêi têa ‘na kuăn pơlê.

Drêng hiăng pêi klêi phần mềm vâ chêh ‘mot tơdroăng kuăn pơlê tối ăm tơ’lêi hlâu, tơniăn pơkí mâu tơdroăng, vâ pêi cheăng tơ-ƀrê tung hbrâ mơdât pơreăng COVID tung pơla nôkố, Trung tă Nguyễn Thành Vĩnh, Kăn phŏ pơkuâ Tíu xiâm ‘măn rak mâu tơdroăng dêi tơnêi têa ‘na kuăn pơlê ăm ‘nâi, ing phần mềm rak ngăn kuăn pơlê tung kơpong tâ pơreăng, kuăn pơlê drêng xúa kô teăm po ngăn mâu tơdroăng ăm nhên khât ‘na tơdroăng tâ pơreăng a tíu kuăn pơlê rêh ối, pêi cheăng, teăm pêi mâu tơdroăng hbrâ mơdât pơreăng.

Hbrâ tối dêi tơdroăng, pro mah QR Code vâ séa ngăn ing mâu tíu gak ngăn mơdât pơreăng, ôh tá ăm mơdoh hâi chôu chêh ƀă hlá mơ-éa, kơdroh hâ ho; mâu khu râ pơkuâ cheăng tơbleăng phần mềm mê, kô teăm tơkŭm tâi tâng tơdroăng, rak ngăn kuăn pơlê kơpong tâ pơreăng vâ ti tăng ‘nâi ple\ng hbrâ mơdât pơreăng COVID-19.

Gương tơplôu [ă tơbleăng