VOV4.Sêdang - Hên tơdroăng pơkâ tung mâu hlá mơ-éa, pơkâ tơdjâk troh kơvâ cheăng kơmăi kơmok tơku\m ‘na túa pơkâ, tơdroăng tê mơdró dế cho tơdroăng ki mơdât [ă kal athế châ ‘mâi rơnêu vâ pro tơ’lêi hlâu ăm khu mơdró kâ. Kố cho ki mơnhên châ pơkâ mơ’no a Hneăng hôp xo rơkong tơpui tối ‘na túa pơkâ hlá mơ-éa kơvâ cheăng kơmăi kơmok [ă tê mơdró hơnăm 2016 tơku\m po a hâi lơ 27 khế 9 a Hà Nội. Mâu khu mơdró kâ hiăng tối hên tơdroăng ki ôh tá tơniăn, tơvâ tơvân xua mâu tơdroăng pơkâ dêi kơvâ cheăng kơmăi kơmok [ă tê mơdró, pơkâ mơ’no mâu tơdroăng ki pơkâ thế hluâ tơdroăng [ă tơku\m ‘na túa pơkâ tê mơdró, pro pá ăm tơdroăng cheăng, tê mơdró dêi khu mơdró kâ.

Pôa Trần Quốc Khánh, Kăn xiâm pho\ pơkuâ ‘na kơmăi kơmok [a\ tê mơdró xông tơpui a hneăng hôp

          Môi tiah tơdroăng pơkâ 109 ‘na tê phái ngi kong têa ê, pơkâ ăm phêpơ hnôu ki ‘măn hên hlái 5 rơpâu ta#n. Tơdroăng pơkâ 83 ‘na tê mơdró têa châu, têa kơxăng xuân pơkâ hên tơdroăng ki pá, bu kum ăm to khu mơdró kâ ki kân. Hlá mơ-éa kơxo# 20 ‘na roê ‘mot rơxế ô tô ki hiăng tâi hâi khế la tá hâi ai hlá mơ-éa chêh teăng [ă hên tơdroăng ki ê. Mơgêi hneăng hôp, kăn pơkuâ khu xiâm ngăn kơmăi kơmok [ă tê mơdró tối rơdêi, mâu troăng hơlâ mơjiâng athế rak tơniăn hên tơdroăng pơkâ ki tơ-ê dêi rơpó. Khu xiâm kô séa ngăn tâi tâng vâ tah lôi mâu tơdroăng ‘na túa pơkâ tê mơdró a mâu kơvâ cheăng ki ôh tá kal.

Katarina Nga tơplôu [a\ tơbleăng