VOV4.Sêdang - Khu xiâm ngăn pơkeăng [ă khăm pơlât tô tuăn ‘na pơreăng hơtốu-êi krôk sap ing Lếo tâ tú troh Việt Nam pơxiâm sap ing mâu pơlê kơpong hơngế hơngo, kơpong tơkăng kong, klêi mê, kô tâ tú troh mâu kơpong ki ê tung lâp tơnêi. Tiô khu xiâm pơkuâ ngăn pơkeăng [ă hbrâ mơdât pơreăng tối, Khu xiâm ngăn pơkeăng [ă khăm pơlât, xêo sap khế 6 troh nôkố, Lếo hiăng châ hlo tíu ki ai pơreăng hơtốu-êi krôk a 6 tung 17 kong pơlê, pơlê kong kân, [ă 588 ngế tâ pơreăng, tung mê, ai 11 ngế hlâ. Tung pơla mê, Việt Nam hiăng tơdah xo mâu ngế ki tâ pơreăng hơtốu-mơ-êi krôk a mâu thôn, pơlê kơpong hơngế hơngo dêi tơring K[ang, kong pơlê Gia Lai [ă 2 thôn ối tung cheăm Phước Lộc, tơring Phước Sơn, kong pơlê Quảng Nam, tung mê, hiăng ai ngế hlâ. Hlo ai tơdroăng kố, Khu xiâm ngăn pơkeăng [ă khăm pơlât dế ối séa ngăn krá khât tơdroăng ki pơreăng hơtốu-êi krôk dêi Lếo hnối tối tơbleăng ăm mâu kong têa pú vâ tối tơbleăng mâu troăng hơlâ hbrâ mơdât tơtro.

Katarina Nga tơplôu [ă tơbleăng