VOV4.Sêdang - Tung la ngiâ ah, tơdroăng ki ôh tá tơniăn dêi pơreăng COVID-19 pơtối hlo rế ôh tá tơniăn ƀă hên tơdroăng pơ’lêh ki nếo, Khu xiâm pơkâ ƀă ‘no liăn cheăng tối tơbleăng xuân ối ai hên tơdroăng ki pơloăng mơnúa ƀă khu mơdró kâ ƀă pơkâ mơ’no 8 khu tơdroăng, pro ivá ‘mâi mơnhông ăm khu mơdró kâ. Tung mê tơkŭm séa ngăn hiâm mơno “hbrâ mơdât pơreăng môi tiah tơtrâ xâ”, rêm râ, rêm kơvâ cheăng, rêm kong pơlê athế tơkŭm tung tơdroăng ki mơ-eăm má môi, kơjo kum mâu kơxô̆ liăn vâ hbrâ mơdât châ tơƀrê pơreăng COVID-19, pro tơ’lêi ăm khu mơdró kâ tơniăn tung mơjiâng pro ƀă tê mơdró kế tơmeăm, ‘mâi mơnhông mơdêk.

Tiah mê, rế pêi pro mâu troăng hơlâ hbrâ mơdât pơreăng COVID-19 rơkê, tơƀrê, rế rak tơniăn pơto chơ kế tơmeăm tơdrăng, tơƀrê; tŏng kum poê kơdroh kơxô̆ liăn, pơkâ tơleăng mâu tơdroăng ki xơpá ‘na liăn ăm khu mơdró kâ ƀă hên ki ê.

Pakĭng mê, pôa Nguyễn Chí Dũng, Kăn xiâm pơkâ ƀă ‘no liăn cheăng ăm ‘nâi, Ngế pro xiâm hnê ngăn Chin phuh kô rĕng mơjiâng Tôh pêi cheăng dêi Ngế pro xiâm hnê ngăn Chin phuh ‘na pơkâ tơleăng mâu tơdroăng xơpá ăm khu mơdró kâ ƀă kuăn pơlê ki tro tơdjâk xua pơreăng kân COVID-19.

Katarina Nga tơplôu ƀă tơbleăng