VOV4.Sêdang - Khu kăn Đảng Xiâm tơnêi têa - Khu xiâm pơkuâ ngăn lêng tơkŭm po leh mơhnhôk tơ’noăng malối ƀă tơdroăng ‘na ‘’mâu lêng rơtế ƀă lâp tơnêi têa ‘no ivá, môi tuăn tơ’noăng hbrâ, mơdât ƀă kâi ƀlêi trâng COVID-19’’. Đăi tươ̆ng Phan Văn Giang, Ngế xiâm pơkuâ ngăn lêng hnê mơhno a hâi leh a tíu po hôp cho Tíu xiâm pơkuâ ngăn lêng rơtế ƀă 220 tíu hôp mơ ‘no tung um tiô troăng hyôh Internet tung lâp tơnêi têa.

Tơdroăng mơhnhôk tơ’noăng hbrâ, mơdât ƀă blêi trâng pơreăng COVID - 19’’ tơkŭm a tơdroăng tơrŭm, veăng kum mâu râ Đảng, mâu kăn kong pơlê tơleăng mơnhên tơdroăng xơpá, kum kuăn pơlê châ tê tơmeăm pêi lo ing chiâk deăng, báu, prá, alâi, kơchâi, plâi, pôm, mâu tơmeăm khoăng ki kal xúa tung rêh ối ƀă rak ngăn ivá kuăn pơlê mo lĕm; hbrâ troăng rơhlâ mơdât pơreăng a râ ki hên tâ vâ teăm tơdrêng hbrâ ví, pôi tá ăm kơdrâ tung tŭm tơdroăng.

Tung hâi apoăng mơhnhôk, ai 1.096 ngế kăn ƀô̆, học viện quân y pơtối lăm kum Pơlê kong kân Hồ Chí Minh ƀă mâu kong pơlê peăng Hdroh tơnêi têa prri hnoăng cheăng hbrâ mơdât pơreăng COVID-19.

Gương tơplôu ƀă tơbleăng