VOV4.Sêdang - Pôa Vũ Huy Hoàng, Kăn xiâm ngăn ‘na tê mơdró nếo lăm séa ngăn tơdroăng têa xiâ ó [ă pro ‘mêi hyôh kong prâi a kroăng Apa kong pơlê Gia Lai xua pro hngêi kơmăi on tơhrik An Khê-Kang Nâk.

Pôa Vũ Huy Hoàng rơtế [ă mâu kăn ki pêi cheăng séa ngăn a long têa An khê [ă hngêi kơmăi on tơhrik An Khê. Tiô tối tơbleăng dêi khu xiâm ngăn ‘na tê mơdró kong pơlê Gia Lai, tung rơnó mêi kố nah,  kơdró têa a kroăng Apa ôh tá hlo têa lu. {ă hnối xua ing tơdroăng El Ni`o mê long kơdoăng têa Kang Nâk ôh tá châ kơdoăng têa hên tiô tơdroăng pơkâ. Xua mê, kroăng Apa sap ing pơlê kong krâm An Khê troh peăng hdroh hiăng xiâ ó [ă pro ‘mêi hyôh kong prâi ó păng ‘nâng. Tơpui a hâi pêi cheăng, pôa Vũ Huy Hoàng hnê mơhno ăm Ko\ng ti ngăn ‘na on tơhrik An khê –Kang Nâk thế mơdêk pêi pro mâu tơmeăm khoăng ki hiăng tơ’nhiê drêng pro hngêi kơmăi on tơhrik tro tiô tơdroăng tơhrâ, kong pơlê Gia Lai kal thế rơkê tung hnoăng hnê tối ‘na mơ’no têa a hngêi kơmăi on tơhrik An khê-Kang Nâk vâ rak tơniăn ‘na tơdroăng mơ ‘no têa a peăng droh kroăng Apa. Ki ton ta ah, pôa Vũ Huy Hoàng pơkâ thế Grup ngăn on tơhrik Việt Nam tí tăng ‘nâi ple\ng hnối veăng tơru\m [ă kơvâ cheăng ngăn pêi chiâk deăng, tơmeăm khoăng hyôh kong prâi tung mơ’no têa a long, vâ kơdroh tơdroăng ki ôh tá tro tung mơjiâng pro hngêi kơmăi on tơhrik. ’Na tơdroăng ki pro ‘mêi hyôh kong prâi a kroăng Apa, Kăn xiâm pơkâ thế mâu khu râ, kơvâ cheăng kong pơlê Gia Lai kal mơdêk hnoăng cheăng séa ngăn, mơdât tơdroăng mơ’no têa ki ‘mêi ah chiâng pro ‘mêi hyôh kong prâi.

Gương tơplôu [a\ tơbleăng