VOV4.Sêdang - A tíu ki trâm pá má môi cho cheăm Đak Roong, tơring K[ang kơtiê, kong pơlê Gia Lai, vâ vâi hdrêng châ troh hriâm a hngêi trung hriâm chư cho pá puât. Laga, [a\ hiâm mơno hâk vâ [ă vâi hdrêng, [a\ tơdroăng kho\m mơ-eăm rơtế túa hnê tối ki rơkê, thái cô hngêi trung phôh thong hdroâng kuăn ngo ai tíu kâ koi ối pơtê râ má môi Đak Roong hiăng kum mâu tơdroăng pá puât, choâ ‘lâng rơkê tung hnê hriâm. Hok tro rế hía hriâm rế rơkê, [a\ mâu nôu pâ sôk ro khât drêng pơtroh dêi kuăn ‘ne\ng troh hngêi trung hriâm. Kố cho tơdroăng ki kơnía git má môi [a\ mâu thái cô a hngêi trung ối tung cheăm kơpong hơhngế hơhngo kố.

            Hngêi Đinh Khang, hok tro lâm 4, hdroâng kuăn ngo Bơhnéa, kơtăn hngêi trung phôh thong hdroâng kuăn ngo ai tíu kâ koi ối pơtê râ má môi Đak Roong hơhngế châ 10 km, troăng prôk lăm to troăng kong, tâk ngo, tơkâ têa. Tâng hmếu pơ rêm hâi lăm troăng kong, tâk ngo, tơkâ têa kroăng  vâ troh hriâm a hngêi trung, mơni o hiăng pơtê hriâm sap ing ton na nah. Mơhúa há hngêi trung kum ăm hok tro châ kâ koi ối pơtê tung hngêi trung, xua mê Đinh Khang [a\ mâu pú hmâ ki pá puât môi tiah o, tơdế khế, thăm nếo môi péa khế nếo vêh a hngêi môi xôh. Ối a hngêi trung, o châ thái cô rak ngăn [a\ hnê hriâm krâu khât, xua mê tơdroăng hriâm tâp rế hía rế rơkê, Đinh Khang tối: Hngêi á kơtăn kố dâng 10 km. A hriâm a hngêi trung kố hiăng 4 hơnăm, thái cô rak ngăn khât ‘nâng. Á hriâm châ kâ pri hok tro hriâm rơkê.

            Tâi tâng tung kơxo# lối 300 ngế hok tro hdroâng kuăn ngo Bơhnéa dêi hngêi trung phôh thong hdroâng kuăn ngo ai tíu kâ koi ối pơtê râ má môi Đak Roong pơrá ối tung hngêi trung sap ing hâi môi troh hâi 5. Mâu khế ki kong mêi, khía mơhot, hok tro ối tung hngêi trung 2 măng t^ng, thăm nếo châ môi khế nếo vêh a hngêi môi xôh. {a\ mâu vâi o, thái cô môi tiah nôu pâ ki păn. Mâu nôu pâ xuân hmiân tuăn pơtroh dêi kuăn hriâm a hngêi trung. Jâ Đinh Thị Hoan, ai kuăn hriâm a hngêi trung phôh thông hdroâng kuăn ngo ai tíu kâ koi ối pơtê râ má môi Đak Roong, tối: Nôu pâ ki hên pêi chiâk deăng, pơtroh kuăn ‘ne\ng akố loi tơngah khât. Kơnôm tơdroăng tơmâng to\ng kum dêi thái cô, xua mê ngin pơtroh kuăn hriêm, kâ kối ối pơtê akố. Kuăn ‘ne\ng kâ koi hriâm akố, xua thái cô pơkuâ rak ngăn.

            Tơdroăng rêh ối dêi thái cô a hngêi trung ai tíu kâ koi ối pơtê Đak Roong ối pá puât, laga xuân mơ-eăm tá hiâm mơno rak ngăn hok tro. Rêm roh hbrâ rơnáu vâ mot rơnó hngíu rêm hơnăm, mâu thái cô tơku\m dêi pó veăng tơlo liăn, mơhnhôk pơlê pơla veăng tơlo liăn vâ roê ếo hơtôu ăm hok tro. Kơxo# liăn mơhnhôk ôh tá hên, mâu thái cô prôk troăng châ chât km, to troăng kong, lăm a tơring vâ roê hmân ếo rơpâ liăn, klêi mê rôh krúa le\m ăm vâi o xâp. Drêng ai hok tro tamo châi, thái cô cho mơngế pro nôu, pro ngế pâ rak ngăn krâu khât. Tơdroăng hâk vâ [a\ hok tro akố kum vâ mâu vâi o hok tro tơkâ hluâ pá puât tung rêh ối, rak ngăn tung hnê hriâm. Cô Nguyễn Thị Bích Ngọc, hnê lâm 1 a hngêi trung phôh thong hdroâng kuăn ngo ai tíu kâ koi ối pơtê râ má môi Đak Roong, cheăm Đak Roong, tối: Sap a mot hriâm a hngêi trung, mê hngêi trung nếo mơjiâng, hngêi trung ôh tá tu\m kế tơmeăm khoăng hnê hriâm [a\ trâm hên pá puât, hok tro xuân ôh tá tu\m kế tơmeăm khoăng hriâm tâp. Troh hriâm a hngêi trung, mê rơtế dêi pó ru\m môi tuăn, to\ng veăng mâu tơdroăng pá puât. Phá tơ-ê [a\ mâu hngêi trung ki ai tu\m kế tơmeăm, troh akố mâu vâi o châ rêh ối [a\ thái cô đi đo [a\ achê [a\ mâu thái cô tâ. Ing mâu tơdroăng mê hiăng kum ăm mâu vâi o mơ-eăm tung hriâm tâp.

            Ối tung dế kơpong kong kế, ngo ngối, ối tung cheăm ki trâm hên pá puât Đak Roong, kơtăn tơring K[ang dâng 70 km, laga hngêi trung phôh thông hdroâng kuăn ngo ai tíu kâ koi ối pơtê râ má môi Đak Roong, eăng le\m cho hngêi trung krúa le\m, ai hên tíu xah hêi, tíu kâ koi, ối pơtê, hriâm tâp ăm lối 300 ngế hok tro. Ai tu\m kế tơmeăm khoăng môi tiah mê, mâu thái cô a kố đi đo mơ-eăm, hlá mơ’no dêi ivá, liăn ngân, hlá kơbông krếo pơlê pơla veăng kum, mơhnhôk mâu ngế tung [a\ pá gong kong pơlê veăng kum liăn vâ mơjiâng. Tơdroăng hnê hriâm akố xuân thăm rơkê rêm hơnăm [a\ nôkố hiăng chiâng tíu ki má môi dêi hngêi trung ai tíu kâ koi ối pơtê dêi tơring K[ang [a\ kong pơlê Gia Lai. Pôa Phạm Quốc Tuấn, thái pơkuâ hngêi trung tối: {a\ tơdroăng ki ngin mơ-eăm, pleăng dêi hnoăng cheăng, kum hok tro. Ing mê pơlê pơla hlo [a\ veăng kum. Mâu khu ki veăng to\ng kum ing pơlê kong kân Hồ Chí Minh [a\ mâu tíu ki ê há, vâi tâng tối, hlo tơdroăng ki pleăng dêi hnoăng cheăng dêi mâu thái cô, vâi hiăng tơchuôm ivá vâ mơjiâng hngêi trung kố.

            Roh leh hâi thái cô Việt Nam lơ 20 khế 11 kố nah a cheăm kơtiê kơpong hơhngế hơhngo Dak Roong ga pá ai ki klâi. Kế tơmeăm diâp ăm thái cô cho mâu reăng kong, ai hok tro ki ‘nâ ôh tá ai kế tơmeăm khoăng vâ diâp ăm. Laga [a\ mâu thái cô a hngêi trung, tơdroăng kơhnâ, rơkê dêi mâu vâi o hok tro [a\ tơdroăng sôk ro môi tuăn dêi mâu nôu pâ hok tro cho kế tơmeăm khoăng ki kơnía. Mê cho tơdroăng châ tơ-[rê dêi thái cô, rêm hơnăm tơnăng pleăng dêi hnoăng cheăng xua hâk vâ hok tro, xua tơdroăng hnê hriâm a kơpong hơhngế hơhngo Đak Roong.

A Sa Ly tơplôu [a\ tơbleăng