VOV4.Sêdang - Pơlê ôm hyô Sin Súi Hồ, tơring Phong Thổ, kong pơlê Lai Châu cho môi tíu ôm hyô ki nếo, le\m ro xua ai nhâ loăng, kong kế krip le\m, sap ing ton nah, mâu hngêi trăng pro pơla drô hbêa ngo ối ai hên khôi túa, vêa vong ki le\m tơviah. Bú lăm troh môi hdrôh tê, pó kô ối rơhêng vâ vêh lăm troh amê nếo rơtế [ă kuăn mơngế akố le\m hlế rơkê kô tơmối, [ă túa pro ‘na ôm hyôu rơkê dêi hdroâng kuăn ngo Mông akố. Bai dêi Diệu Linh, ngế chêh hlá tơbeăng cheăng tung Rơ’jiu Việt Nam ai chêh tối tơdroăng mê.

Kơtăn ing tơdế pơlê kong kơdrâm Lai Châu dâng 35 km, ối a’ngêi dâng 1.400 m, cheăm Sin Súi Hồ, tơring Phong Thổ, khe#n tiô rơkong kuăn pơlê akố cho ‘’Têa ki ai mêa rếi’’, cho môi pơlê dêi hdroâng mơngế Mông rêh ối hiăng ton hơnăm.

Tung to lâi hr^ng to pơlê ki po ăm tơmối mot ôm hyô akố ki hiăng hmâ pro tung to lâi chât hơnăm mê hía nah a kơpong kong ngo Tây Bắc, Sin Súi Hồ nếo châ mơnhên tối sap ing khế 6 hơnăm nah. Ki ối chôu vế xua tơdroăng tơdah tơmối rơkê ó khât, la xuân ối rak vế dêi khôi túa, vêa vong ki le\m tro dêi pơlê ki ăm tơmối mot ôm hyô a Sin Súi Hồ, a kơ-[eăng ki te#n pro [ă hlâm mơngiơk prăng kêp [ă péa to kơlá a bo cheăng pơlê ai chêh chư [ă kơxái kong: ‘’Tíu ôm hyô pơlê pơla, pơlê Sin Súi Hồ’’.

A Sin Súi Hồ, inâi kăn rơpo\ng hngêi la lâi xuân châ chêh tối a kơ-[eăng ki pro [ă loăng pá ngiâ hngêi, lơ a trăng bo cheăng ki kân, ki vâ mot tung hngêi, chêh tối mâu tơdroăng ki pro tơmối rơhêng vâ châ ‘nâi, môi tiah kơxo# phôn, ai Wi-Fi [ă hên h^n tơdroăng ki ê vâ tơ’mô [ă mâu hmốu ki ku kuăn mơngiơk rơbông, lơ kơxái kong bro chiâng chư chêh.

Drô troăng mot tung pơlê Sin Súi Hồ, tơmối kô châ trâm hlo môi to kơchô ki vâi tê a kơxo dêi hdroâng kuăn ngo Mông, tê tơbleăng hên mâu tơdroăng ki kơnía git dêi hdroâng kuăn ngo, môi tiah: hơ’nêh mâm chu kuăn ngo, tơpăng chôu, phái tơxông, alâi, thaoh koah, ếo pơtâk, hmôu, djêa, kên [ă hía hé. Tung inôa ki lâm a kơxo má, drô troăng vâ mot tung pơlê, péa pâ troăng prôk mot tung hngêi lơ pá kơdâm xiâm loăng ki kân cho kơ’lo reăng r^ng ki tơpo eăng le\m, pro ăm pó môi tiah châ mot tung kong ki to reăng kơpong kong ngo Tây Bắc. Lăm ôm hyô vâ tí tăng ‘nâi ple\ng ‘na mơhno túa le\m tro, leh mơd^ng dêi hdroâng mơngế Mông pơrá pro hên mâu tơmối rơhêng vâ păng ‘nâng. Ngoh Vàng A Lai, hdroâng kuăn ngo Mông, ối a pơlê Sin Súi Hồ hâk tơngăm ‘na mơhno túa le\m tro dêi hdroâng kuăn ngo tơná: Khie#n hlu\m hlá cho mơhno túa le\m tro phá ê xêh dêi hdroâng kuăn ngo Mông. Khie#n hlá cho ăm tá mâu vâi kơdrâi [ă vâi kơnốu drêng vâ krếo dêi pó, cho túa mơhno túa le\m tro dêi hdroâng mơngế Mông.

To lâi hơnăm achê pơla kố, túa ki tơ’mot tơmối mot ôm hyô tung hngêi trăng, pơlê pơla, ki tối Home-stays hiăng châ po rơdâ hên. Tơmối châ xah ôm hêi, châ kâ mâu kế kâ ki xua tơná kuăn pơlê akố pế pơchên, môi tiah hơ’nêh mâm chu âp, kơchâi kong, tơpăng chôu, kơchâi pôm loăng [ă hía hé. {ă mâu tơmối rơhêng vâ tí tăng ‘nâi ple\ng, vâ klê trâu hơngế ‘na mơhno túa le\m tro, khôi túa, vêa vong ki ai tơdjâk troh kế kâ, tơmeăm ôu, mâu túa kơhnhon xuâng, idrâp khie#n, rơkong tơpui tơdjếi, pơto pơtih dêi mơngế Mông, kăn rơpo\ng hngêi kô lo hnê tối mơnhên ăm mâu tơmối ki rơhêng vâ mơnúa pro. A mâu hâi ki kơdrâm tơmối lăm ôm hyô, kuăn pơlê kô mơđah tơdroăng hơdruê xuâng vâ koh tơdah tơmối. Ngoh Vàng A Chỉnh, Kăn pơlê Sin Súi Hồ tối ăm ‘nâi, lâp pơlê kố ai lối 100 rơpo\ng, ai 6 rơpo\ng ki ai tơdah tơmối mot ôm hyô home-stays, rêm toăng hngêi tiah mê mơđah ăm 8 troh 10 ngế ngăn rêm hâi. Hngêi ki lâi xuân ai internet, ai hngêi mơdrah ki krúa le\m vâ tơdah tơmối. Tơdroăng cheăng kố hiăng pro pơxúa kân khât ăm tơná kuăn pơlê: Sap ing hâi ki po tơdroăng tơdah tơmối mot ôm hyô akố, tơdroăng rêh ối tung rơpo\ng chía tơniăn tâ, môi tiah liăn ăm dêi kuăn ‘ne\ng lăm hriâm chía bê tâ. Tơ’mot tơmối mot ôm hyô rế hía rế kơdrâm, môi măng yă akố châ 80 rơpâu liăn môi ngế. Hdrối vâ ‘mot tơmối mot ôm hyô rơpo\ng á châ Vi [an hnê ngăn kong pơlê po 2 to lâm hnê tối ‘na tơdroăng tơ’mot tơmối ôm hyô, po a pơlê kố ai môi to lâm. Á hiăng châ hriâm mê á hiăng ‘nâi túa ki vâ tơ’mot tơmối mot ôm hyô. Nôkố, kuăn pơlê hiăng hlo rêm ngế tung pơlê ‘mot tơmối mot ôm hyô, tơdah, tơpui kâ [ă tơmối hiăng hlế rơkê.

Tối ‘na tíu ki tơ’mot tơmối mot ôm hyô a pơlê Sin Súi Hồ, pôa Lê Quang Minh-Kăn pơkuâ ngăn [ơrô tơ’mot tơmối dêi Khu ngăn ‘na mơhno túa le\m tro, tơ’noăng ivá, ôm hyô dêi kong pơlê Lai Châu tối ăm ‘nâi: Xua tâi tâng mâu rơpo\ng akố pơrá cho hdroâng mơngế Mông, tơpui, chêh chư Mông, xua mê, tâi tâng tơdroăng rêh ối, pêi cheăng vâi ai hên tơdroăng ki vâ kum ăm tơmối rơhêng vâ tí tăng ‘nâi ple\ng. Ki xiâm khoh pro tơmối rơhêng mot ôm hyô akố, mê cho cheăng pêt reăng r^ng, pêt plâi thaoh koah, te\n hmôu, te\n pro tơmeăm ki vâ chôu vế pro [ă loăng lơ [ă kơlá [ă hía hé. Kơvâ ngăn ‘na mơhno túa le\m tro, tơ’noăng ivá, ôm hyô dêi kong pơlê Lai Châu dế ai troăng hơlâ vâ kum hnê ăm kuăn pơlê Mông akố thăm rế rơkê tung tơdroăng tơ’mot tơmối mot ôm hyô akố: Mot hơnăm nếo kố ngin kô kum tơ’nôm mâu tơmeăm ki pế pơchên kế kâ, krếo thế mâu thái cô hnê ‘na túa pơchên kế kâ, tơmeăm ôu. Dế nốkố, vâi krâ-nho\ng o tá hâi athế pro hnoăng mơhá liăn. Tâng lăm troh a sí Thác Trái Tim a pơlê Sin Súi Hồ vâ tí tăng ngăn ‘na kong ilâng ki chiâng xêh mê bu kal rôe châ 10 rơpâu liăn 1 ve\, xuân cho vâ kum ăm hdroâng mơngế Mông akố châ pêi lo tơ’nôm liăn ing tơdroăng kơpuih văng tơnêi tơníu. Ngin vâ Sin Súi Hồ pơtối châ rak vế dêi khôi túa, vêa vong dêi hdroâng kuăn ngo Mông, ôh tá lối tơtêk hên luâ râ, ah lơ chiâng ai tơdroăng ki tê mơdró kâ, chiâng ai tơbriât tơxup ‘na liăn ngân, hía lôi khôi túa, vêa vong dêi hdroâng kuăn ngo.

Kong pơlê Lai Châu hiăng ai tơdroăng ki kum kuăn pơlê châ mung liăn vâ tơ’mot tơmối mot ôm hyô, pơtối to\ng kum hnê ‘na túa tơdah tơmối mot rêh ối tung pơlê pơla. Tiu tơdroăng ăm ‘nâi, hơnăm kố, kong pơlê kô ‘no 180 rơtal liăn vâ po mơjiâng troăng prôk ing pơlê kong kơdrâm Lai Châu tâk a Sin Súi Hồ, vâ kơ tơniăn ăm tơdroăng prôk lăm dêi tơmối lâp luô. Drêng mê ah, Sin Súi Hồ kô cho tíu ki tơ’mot tơmối mot ôm hyô thăm rế krip tơdro\m [ă le\m ro tâ nếo ăm kơ tơmối hơngế achê.

Nhat Lisa tơplôu [ă tơbleăng