Ing kong têa Mih vêh a Pơlê kong kân Hồ Chí Minh lăm pôu rơpo\ng dêi peăng kơdrâi, ngoh John Kautz hêng vâ troh a Leh tơbleăng kơphế dế tơku\m po a Dak Lak. Ngoh rơtế [ă rơpo\ng hiăng troh ngăn Leh tơbleăng kơphế {uôn Ma Thuột:

‘’Ngin troh ngăn Leh tơbleăng tâ sôk ro ‘nâng. Tu\m tơmeăm akố cho le\m, tơmeăm kâ xuân kơhiâm’’.

Kơdrâm tơmối a Troăng tơbleăng hlá mơ-éa kơphế {uôn Ma Thuột

Tung mâu hâi hiăng luâ, kơdrâm kuăn pơlê tung kong pơlê [a\ tơmối ôm hyô lâp kơpong troh a {uôn Ma Thuột [a\ mâu kơpong ki achê mê. Hên tíu xah hêi, mâu tíu ôm hyô ngăn kong kế mơhno khôi le\m tro a {uôn Ma Thuột (tơring {uôn Đôn), long têa Lak (tơring Lak), Tíu chôu ‘măn kế tơmeăm khoăng ton nah lâp plâi tơnêi 'na kơphế, Troăng tơbleăng kơxop mơ-éa kơphế {uôn Ma Thuột, mâu troăng ki xiâm tung pơlê kong kơdrâm [a\ hía hé đi đo ai kơdrâm kơdre\ng mơngế veăng pôu ngăn. Tiô xêo tá hâi tu\m dêi Khu tơku\m po leh tơbleăng, tung 9 hâi tơku\m po leh tơbleăng hiăng ai dâng 50 rơpâu roh tơmối troh ngăn. Bu krê péa hâi apoăng dêi leh tơbleăng, hiăng ai dâng 30 rơpâu ngế tơmối troh a pơlê kong kơdrâm {uôn Ma Thuột.

Mâu tơdroăng ki má môi, rơtế [a\ kring vế tơniăn hiăng pro hâk môi tuăn  [a\ môi ngế ki apoăng troh a Dak Lak:

‘’Roh apoăng á mot a pơlê kong kơdrâm {uôn Ma Thuột hlo leh tơbleăng ai kơdrâm mơngế troh lăm ngăn [a\ cho le\m păng ‘nâng’’.

Lơ ngế ki hiăng troh tu\m 7 leh tơbleăng kơphế:

‘’Á hlo cho le\m ro păng ‘nâng. Á hiăng troh ngăn 6 xôh leh tơbleăng kơphế [a\ hlo leh tơbleăng roh kố cho tơtro má môi. Tơmối ki rơhêng vâ tối vâi krâ mâu hdroâng kuăn ngo tung kong pơlê troh kơdrâm ‘nâng, kong pơlê hiăng rơnuâ le\m tơtro má môi’’.

Kơdrâm mơngế troh ngăn tơ’noăng rui a {uôn Đôn

Jâ Nguyễn Thụy Phương Hiếu, Pho\ pơkuâ ‘na mơhno túa le\m tro, tơ’noăng ivá [a\ ôm hyô kong pơlê tối ăm ‘nâi, pói vâ pro Dak Lak chiâng ‘’Tíu xiâm ôm hyô dêi Tây Nguyên’’, a leh tơbleăng roh kố, Khu pơkuâ mơhno túa le\m tro hiăng tơbleăng mâu tíu ôm hyô, môi tiah: Tíu chôu ‘măn tơmeăm ton nah lâp plâi tơnêi kơphế; kơpong ôm hyô ngăn kong kế [a\ mơhno túa le\m tro pơlê pơla Ako\ Tam; Vie#n khoa hok kih thuât pơkuâ pêi chiâk deăng [a\ pêt kong Tây Nguyên; Leh tơbleăng tơ’noăng rui a {uôn Đôn lơ leh tơbleăng tơ’noăng vo plong loăng a long têa Lak…Ing mê, ôh tá xê to tơbleăng Dak Lak troh [a\ tơmối mê ối tơdjêp ôm hyô Dak Lak [a\ mâu kơpong tung lâp tơnêi têa, kơpong peăng mâ hâi lo pá hdroh châu Á [a\ lâp plâi tơnêi.

‘’Mâu hâi tơku\m po leh tơbleăng pơla kố nah kơxo# tơmối ôm hyô troh [a\ kong pơlê cho kơdrâm. Châ tơ-[rê môi tiah kố cho xua tơdroăng pơtâng tơbleăng ‘na leh tơbleăng châ kong pơlê pêi tơtro [a\ nôkố phân mêm ôm hyô ki rơkê dêi kong pơlê hiăng châ pêi pro vâ pơtâng tối hnê mơhno ăm tơmối. Mot tung phân mêm mê kô ‘nâi mâu tơdroăng ôm hyô xua mê, tơdroăng tơmối [a\ kuăn pơlê troh lăm ngăn mâu tơdroăng dêi leh tơbleăng cho tơtro má môi [a\ ai hên tơmối troh ngăn tâng pơchông [a\ mâu leh ki ê hdrối nah hiăng tơku\m po’’.

Tơchên hâi [a\ vâ chê 20 tơdroăng tơku\m po, [a\ 50 rơpâu tơmối troh ngăn châ ngăn cho châ tơ-[rê tung tơdroăng tơbleăng um méa. Leh tơbleăng kơphế {uôn Ma Thuột roh má 7 tối krê xêh [a\ mâu ki kơnâ mơhno túa le\m tro, tơdroăng mơnhông tơtêk a Dak Lak tối tơdjuôm, kum mơhnhôk hên ngế troh ôm hyô a kong pơlê Dak Lak.

Nam Trang chêh

A Sa Ly tơplôu [a\ tơbleăng